شىمكەنت – قۇرىلىسى قايناعان الىپ شاھار. ءۇشىنشى مەگاپوليستە بيىل 9 ايدا قۇرىلىس سالاسىندا بىرقاتار جۇمىستار اتقارىلدى. بۇل جىلى 154 نىساننىڭ قۇرىلىسى جوسپارلانعان.
سالادا نەگىزىنەن كوپقاباتتى تۇرعىن ۇيلەر قۇرىلىسىنا باسىمدىق بەرىلۋدە. اتاپ ايتقاندا، «نۇرلى جەر» مەملەكەتتىك باعدارلاماسى شەڭبەرىندە بيۋدجەت ەسەبىنەن 92 ءۇيدىڭ قۇرىلىسى ىسكە اسىرىلۋدا. 9 ايدا 20 ءۇي پايدالانۋعا تاپسىرىلدى. ونىڭ ىشىندە: اكىمشىلىك-ىسكەرلىك ورتالىعىندا 528 پاتەرلىك 8 تۇرعىن ءۇي، «شىمكەنت سيتي» شاعىناۋدانىندا 888 پاتەرلى 12 تۇرعىن ءۇي.
قازان ايىندا «شىمكەنت سيتي» شاعىناۋدانىنداعى 160 پاتەرلى 4 ءۇي، جەلتوقساندا «تۇران» شاعىناۋدانىندا 1708 پاتەرلى 27 تۇرعىن ءۇي پايدالانۋعا بەرىلەدى. جىل قورىتىندىسىمەن 3284 وتباسى ءوز باسپاناسىن ساتىپ الۋ مۇمكىندىگىنە يە بولادى.
بيىل قوسىمشا 5 ارەندالىق ءۇيدىڭ قۇرىلىسى اياقتالىپ، 280 پاتەر پايدالانۋعا تاپسىرىلادى. بۇدان بولەك، قاراشادا نارىقتان 696 پاتەر ساتىپ الىنادى. ناتيجەسىندە، جالپى 976 ارەندالىق پاتەر تۇرعىن ءۇي كەزەگىندە تۇرعان ازاماتتارعا بەرىلەدى. ونىڭ ىشىندە: 378 – كوپبالالى وتباسىلار، 298 – الەۋمەتتىك وسال توپتار، 300 – جۇمىس ىستەيتىن جاستار.
قۇرىلىس باسقارماسى ماماندارىنىڭ ايتۋىنشا، 9 ايدا 357, 2 مىڭ شارشى مەتر تۇرعىن ءۇي پايدالانۋعا تاپسىرىلىپ، وتكەن جىلدىڭ سايكەس كەزەڭىمەن سالىستىرعاندا ءوسىم 118 پايىزدى قۇرادى.
جىل سوڭىنا دەيىن 254,8 مىڭ شارشى مەتر تۇرعىن ءۇي پايدالانۋعا تاپسىرىلادى. 201 كوپقاباتتى تۇرعىن ۇيلەردى ينجەنەرلىك ينفراقۇرىلىممەن قامتاماسىز ەتۋ ماقساتىندا 34 نىساننىڭ قۇرىلىسى جۇرگىزىلۋدە. 1 نىساننىڭ قۇرىلىسى اياقتالىپ، 39 تۇرعىن ءۇي جانە 1 مەكتەپ قاجەتتى ينفراقۇرىلىممەن قامتىلعان.
شىمكەنت قالاسى اكىمىنىڭ ءباسپاسوز قىزمەتى
