Shymkent – qurylysy qaınaǵan alyp shahar. Úshinshi megapolıste bıyl 9 aıda qurylys salasynda birqatar jumystar atqaryldy. Bul jyly 154 nysannyń qurylysy josparlanǵan.
Salada negizinen kópqabatty turǵyn úıler qurylysyna basymdyq berilýde. Atap aıtqanda, «Nurly jer» memlekettik baǵdarlamasy sheńberinde bıýdjet esebinen 92 úıdiń qurylysy iske asyrylýda. 9 aıda 20 úı paıdalanýǵa tapsyryldy. Onyń ishinde: Ákimshilik-iskerlik ortalyǵynda 528 páterlik 8 turǵyn úı, «Shymkent sıtı» shaǵynaýdanynda 888 páterli 12 turǵyn úı.
Qazan aıynda «Shymkent sıtı» shaǵynaýdanyndaǵy 160 páterli 4 úı, jeltoqsanda «Turan» shaǵynaýdanynda 1708 páterli 27 turǵyn úı paıdalanýǵa beriledi. Jyl qorytyndysymen 3284 otbasy óz baspanasyn satyp alý múmkindigine ıe bolady.
Bıyl qosymsha 5 arendalyq úıdiń qurylysy aıaqtalyp, 280 páter paıdalanýǵa tapsyrylady. Budan bólek, qarashada naryqtan 696 páter satyp alynady. Nátıjesinde, jalpy 976 arendalyq páter turǵyn úı kezeginde turǵan azamattarǵa beriledi. Onyń ishinde: 378 – kópbalaly otbasylar, 298 – áleýmettik osal toptar, 300 – jumys isteıtin jastar.
Qurylys basqarmasy mamandarynyń aıtýynsha, 9 aıda 357, 2 myń sharshy metr turǵyn úı paıdalanýǵa tapsyrylyp, ótken jyldyń sáıkes kezeńimen salystyrǵanda ósim 118 paıyzdy qurady.
Jyl sońyna deıin 254,8 myń sharshy metr turǵyn úı paıdalanýǵa tapsyrylady. 201 kópqabatty turǵyn úılerdi ınjenerlik ınfraqurylymmen qamtamasyz etý maqsatynda 34 nysannyń qurylysy júrgizilýde. 1 nysannyń qurylysy aıaqtalyp, 39 turǵyn úı jáne 1 mektep qajetti ınfraqurylymmen qamtylǵan.
Shymkent qalasy ákiminiń baspasóz qyzmeti
