شىمكەنت: پەداگوگ كادرلاردىڭ بىلىكتىلىگىن ارتتىرۋ - باستى نازاردا

شىمكەنت قالاسىندا 752 ءبىلىم بەرۋ ۇيىمىندا 26 708 پەداگوگ قىزمەت ەتەدى. ونىڭ ىشىندە، 133 مەملەكەتتىك مەكتەپتەگى پەداگوگتار سانى – 15 578. بۇگىندە ولاردىڭ 14761-ءى جاڭارتىلعان ءبىلىم بەرۋ باعدارلاماسى اياسىندا بىلىكتىلىگىن ارتتىرۋ كۋرستارىنان وتكەن. سونىمەن قاتار، بيىل «ورلەۋ» ارقىلى 8 288-ءى كۋرستان ءوتتى. ودان وزگە، «تسيفرلىق قازاقستان» مەملەكەتتىك باعدارلاماسى شەڭبەرىندە 4 500 مۇعالىم تەگىن وقىتۋ كۋرستارىنان ءبىلىم العان. سونداي-اق، مەكتەپتەردە 190 ۇستاز روبوتوتەحنيكا كۋرسىن، 200 ينفورماتيكا ءپانى مۇعالىمى جاڭا فورماتتا جانە 240 مۇعالىم 3D پرينتتينگ كۋرسىن تامامداعان. ماۋسىم-شىلدە ايلارىندا قاشىقتىقتان وقىتۋ جۇيەسى بويىنشا جالپى 4879 پەداگوگ وقىتىلعان. ال، تامىزدا «Onlain.kz» پلاتفورماسى ارقىلى قاشىقتىقتان وقىتۋ جۇيەسىندە جالپى 15 578 پەداگوگ كۋرستان وتكىزىلدى.

شىمكەنت قالاسى اكىمىنىڭ ءباسپاسوز قىزمەتى