26 جاستاعى قازاق بوكسشىسى تۇرسىنباي قۇلاحمەت (1-0, 1 كو) ۇلىبريتانيانىڭ وڭتۇستىك كريكبيدە MTK Global پروموۋتەرلىك كومپانياسى ۇيىمداستىرعان بوكس كەشىندە شارشى الاڭعا شىقتى، دەپ حابارلايدى "ادىرنا" ۇلتتىق پورتالى.
بۇل كەزدەسۋدە تۇرسىنباي قۇلاحمەت ءبىرىنشى ورتا سالماقتا WBC International چەمپيونى ۆاكانتتى بەلبەۋى ءۇشىن جەڭىلىپ كورمەگەن بريتاندىق ماكولەي ماكگوۋەنمەن (14-0-1, 3 كو) تيتۋلدىق جەكپە-جەك وتكىزدى.
بۇل جەكپە-جەك 9 راۋندقا جوسپارلانعان بولاتىن. جەتىنشى راۋندتا بريتاندىق بوكسشى نوكداۋنعا ءتۇستى. ايقاس سوڭىندا تورەشىلەردىڭ ءبىراۋىزدان قابىلداعان شەشىمىمەن (99-89, 99-89, 99-89) تۇرسىنباي جەڭىمپاز رەتىندە تانىلدى. الاڭ تورىندە اسىر سالعان جەرلەسىمىز ءسال قاتەلىك جىبەرىپ، سەگىزىنشى راۋندتا رەفەري قازاقستاندىق بوكسشىنىڭ ەسەبىنەن ءبىر ۇپاي شەگەرىپ تاستادى.
بۇل تۇرسىنبايدىڭ كاسىپقوي بوكستاعى ەكىنشى جەكپە-جەگى.
ال قارسىلاسى ماكگوۋەن العاش رەت جەڭىلىستىڭ اشتى ءدامىن تاتتى.
https://youtu.be/OtiR1xSAvPM
ۇلاربەك دالەيۇلى
سۋرەت فوتو: دانيار مايلىباەۆ
ۇقساس جاڭالىقتار
