جامبىل اتىنداعى جاسوسپىرىمدەر كىتاپحاناسىندا بەلگىلى عالىم، جازۋشى نۇرداۋلەت اقىشتىڭ «الاسا تاۋلار اياسىندا» جانە «ماحابباتپەن اراشالاۋ» اتتى كىتاپتارىنىڭ تۇساۋى كەسىلدى، دەپ حابارلايدى «ادىرنا» ۇلتتىق پورتالى.
تۇساۋكەسەر راسىمىنە قۋاندىق تۇمەنباي، سايات قامشىگەر، نۇرجان قۋانتايۇلى، نازىم سلامقىزى، گۇلجانات يحسانوۆا سىندى قالامگەرلەر، سۋرەتشى ەركىن نۇرازحان، وقىرماندار مەن ءباسپاسوز وكىلدەرى قاتىستى.
تۇساۋكەسەرگە جيىلعان قالامگەرلەر نۇرداۋلەت اقىش شىعارماشىلىعى تۋرالى ويلارىن ايتىپ، پىكىرلەرىمەن ءبولىستى. اقىن سايات قامشىگەر جازۋشى شىعارماشىلىعىندا ەزۋگە كۇلكى ۇيىرەتىن جەڭىل ساتيرانىڭ بارلىعىن، سونداي-اق ادامگەرشىلىك قۇندىلىقتاردىڭ ءجيى كوتەرىلەتىنىن ءسوز ەتسە، جازۋشى قۋاندىق تۇمەنباي نۇرداۋلەت اقىشتىڭ اعا بۋىن ىشىندە شوقتىعى بيىك بىرەگەي قالامگەر ەكەنىن، جازۋشىلىقتان بولەك ادەبيەتتانۋ عىلىمىندا دا ءوز جولىن سالا بىلگەنىن تىلگە تيەك ەتتى.
جيىن بارىسىندا وقىرماندار قالامگەرگە سۇراقتارىن قويىپ، بىرگە سۋرەتكە ءتۇستى. كەلگەن قوناقتارعا جازۋشىنىڭ جاڭا كىتاپتارى سىيعا تارتىلدى.
«ادىرنا» ۇلتتىق پورتالى
