سۋ ايدىندارىندا بالىقشىلاردىڭ قازا بولۋ جاعدايلارى جيىلەپ كەتكەن، دەپ حابارلايدى «ادىرنا» ۇلتتىق پورتالى قر تجم ءباسپاسوز
قىزمەتىنە سىلتەمە جاساپ.
اڭ جانە بالىق اۋلاۋ ماۋسىمى باستالعاننان بەرى (2020 جىلعى 1 قازان-22 قاراشا) ەلدىڭ سۋ ايدىندارىندا 12 ادام، ونىڭ ىشىندە 1 بالا قازا تاپتى.
بالىق اۋلاۋ كەزىندە ەرەجەلەردىڭ بۇزىلۋىنان 11 ادام قازا تاپتى جانە ەرەسەك ادامداردىڭ قاراۋىنسىز قالعان 1 بالا ابايسىزدا سۋعا قۇلاپ، سۋعا باتىپ كەتكەن.
«اعىمداعى جىلى قازا بولعاندار اقمولا، الماتى، قوستاناي، قىزىلوردا، ماڭعىستاۋ، تۇركىستان وبلىستارىنىڭ سۋ ايدىندارىندا تىركەلدى. ماسەلەن، وتكەن كۇز-قىس ماۋسىمىندا (2019 جىلعى 1 قازاننان باستاپ 2020 جىلعى 1 ناۋرىزعا دەيىن) ەلىمىزدىڭ سۋ ايدىندارىندا بالىق اۋلاۋ كەزىندە قاۋىپسىزدىك ەرەجەلەرىن بۇزۋ سالدارىنان، سونداي-اق مۇز وتكەلدەرى ارقىلى ءوتۋ كەزىندە 37 ادام (ونىڭ ىشىندە 10 بالا) قازا بولدى»،-دەلىنگەن حابارلامادا.
«ادىرنا» ۇلتتىق پورتالى
