مۇعالىمدەردىڭ ورتاشا جالاقىسى قانشا؟

3327
Adyrna.kz Telegram

ءبىلىم جانە عىلىم مينيسترلىگىنىڭ وكىلدەرى قازاقستاندىق مۇعالىمدەر ورتاشا ەسەپپەن قانشا الاتىنىن ايتتى، - دەپ حابارلايدى “ادىرنا” ۇلتتىق پورتالى Tengrinews.kz-كە سىلتەمە جاساپ.
رەسمي ساۋالعا ۆەدومستۆو وكىلدەرى قازاقستاننىڭ ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ دەرەكتەرىنە سايكەس، ءبىلىم سالاسىنداعى قىزمەتكەرلەردىڭ 2020 جىلدىڭ II توقسانىنداعى ورتاشا ايلىق جالاقىسى 184,4 مىڭ تەڭگە ەكەنىن ايتتى. 2019 جىلى 126,1 مىڭ تەڭگە بولعان.

سونداي-اق مينيسترلىك وكىلدەرى مۇعالىمدەردىڭ جالاقىسى نەگە بايلانىستى ەكەنىن ايتتى. 

ءبىلىم بەرۋ ۇيىمدارى قىزمەتكەرلەرىنە جالاقى تولەۋ مىنالارعا بايلانىستى جۇرگىزىلەتىنى انىقتالدى:

  • ءبىلىم دەڭگەيى;
  • بىلىكتىڭ بولۋى;
  • ەڭبەك ءوتىلى;
  • ەڭبەك جاعدايى;
  • ورىندالاتىن جۇمىس كولەمى;
  • وتەماقى جانە ىنتالاندىرۋ تۇرىندەگى ۇستەمەاقىلار مەن قوسىمشا اقىنىڭ بولۋى (عىلىمي-پەداگوگيكالىق باعىت بويىنشا ماگيستر دارەجەسى بار بولعان جاعدايدا، سىنىپ جەتەكشىلىگى ءۇشىن، داپتەرلەر مەن جازبا جۇمىستارىن تەكسەرگەنى ءۇشىن جانە ت.ب. قوسىمشا اقى).

ودان بولەك، ۆەدومستۆو وكىلدەرىنىڭ ايتۋىنشا، مەملەكەتتىك مەكەمەلەردەگى مۇعالىمدەردىڭ جالاقىسى وقۋ جۇكتەمەسى نەگىزىندە ۇيىمنىڭ ءبىرىنشى باسشىسى بولەتىن جانە اپتاسىنا نورماتيۆتىك جۇكتەمەنى ەسكەرە وتىرىپ ەسەپتەلەدى.  

فوتو اشىق دەرەككوزدەن الىندى

“ادىرنا” ۇلتتىق پورتالى

پىكىرلەر