Bılım jäne ǧylym ministrlıgınıŋ ökılderı qazaqstandyq mūǧalımder ortaşa eseppen qanşa alatynyn aitty, - dep habarlaidy “Adyrna” ūlttyq portaly Tengrinews.kz-ke sılteme jasap. Resmi saualǧa vedomstvo ökılderı Qazaqstannyŋ Strategiialyq josparlau jäne reformalar agenttıgınıŋ Ūlttyq statistika biurosynyŋ derekterıne säikes, bılım salasyndaǧy qyzmetkerlerdıŋ 2020 jyldyŋ II toqsanyndaǧy ortaşa ailyq jalaqysy 184,4 myŋ teŋge ekenın aitty. 2019 jyly 126,1 myŋ teŋge bolǧan.
Sondai-aq ministrlık ökılderı mūǧalımderdıŋ jalaqysy nege bailanysty ekenın aitty.
Bılım beru ūiymdary qyzmetkerlerıne jalaqy töleu mynalarǧa bailanysty jürgızıletını anyqtaldy:
- bılım deŋgeiı;
- bılıktıŋ boluy;
- eŋbek ötılı;
- eŋbek jaǧdaiy;
- oryndalatyn jūmys kölemı;
- ötemaqy jäne yntalandyru türındegı üstemeaqylar men qosymşa aqynyŋ boluy (ǧylymi-pedagogikalyq baǧyt boiynşa magistr därejesı bar bolǧan jaǧdaida, synyp jetekşılıgı üşın, däpterler men jazba jūmystaryn teksergenı üşın jäne t.b. qosymşa aqy).
Odan bölek, vedomstvo ökılderınıŋ aituynşa, memlekettık mekemelerdegı mūǧalımderdıŋ jalaqysy oqu jüktemesı negızınde ūiymnyŋ bırınşı basşysy böletın jäne aptasyna normativtık jüktemenı eskere otyryp esepteledı.
Foto aşyq derekközden alyndy
“Adyrna” ūlttyq portaly
