Muǵalimderdiń ortasha jalaqysy qansha?

3331
Adyrna.kz Telegram

Bilim jáne ǵylym mınıstrliginiń ókilderi qazaqstandyq muǵalimder ortasha eseppen qansha alatynyn aıtty, - dep habarlaıdy “Adyrna” ulttyq portaly Tengrinews.kz-ke silteme jasap.
Resmı saýalǵa vedomstvo ókilderi Qazaqstannyń Strategııalyq josparlaý jáne reformalar agenttiginiń Ulttyq statıstıka bıýrosynyń derekterine sáıkes, bilim salasyndaǵy qyzmetkerlerdiń 2020 jyldyń II toqsanyndaǵy ortasha aılyq jalaqysy 184,4 myń teńge ekenin aıtty. 2019 jyly 126,1 myń teńge bolǵan.

Sondaı-aq mınıstrlik ókilderi muǵalimderdiń jalaqysy nege baılanysty ekenin aıtty. 

Bilim berý uıymdary qyzmetkerlerine jalaqy tóleý mynalarǵa baılanysty júrgiziletini anyqtaldy:

  • bilim deńgeıi;
  • biliktiń bolýy;
  • eńbek ótili;
  • eńbek jaǵdaıy;
  • oryndalatyn jumys kólemi;
  • ótemaqy jáne yntalandyrý túrindegi ústemeaqylar men qosymsha aqynyń bolýy (ǵylymı-pedagogıkalyq baǵyt boıynsha magıstr dárejesi bar bolǵan jaǵdaıda, synyp jetekshiligi úshin, dápterler men jazba jumystaryn teksergeni úshin jáne t.b. qosymsha aqy).

Odan bólek, vedomstvo ókilderiniń aıtýynsha, memlekettik mekemelerdegi muǵalimderdiń jalaqysy oqý júktemesi negizinde uıymnyń birinshi basshysy bóletin jáne aptasyna normatıvtik júktemeni eskere otyryp esepteledi.  

Foto ashyq derekkózden alyndy

“Adyrna” ulttyq portaly

Pikirler