سەناتتاعى ۇكىمەت ساعاتىندا ۇلتتىق ەكونوميكا ءمينيسترى رۋسلان دالەنوۆ 2050 جىلعا قاراي شاعىن جانە ورتا بيزنەستىڭ ءجىو-دەگى ۇلەسىن 50 پايىزعا جەتكىزۋ كوزدەلىپ وتىرعانىن ايتتى دەپ حابارلايدى «ادىرنا» ۇلتتىق پورتالى Baq.kz سايتىنا سىلتەمە جاساپ.
شوب-تىڭ ءجىو-دەگى ۇلەسى مەن حالىقتىڭ ءال-اۋقاتى اراسىندا تۇراقتى بايلانىس بار. نەعۇرلىم جوعارى بولسا، حالىقتىڭ ءومىر ءسۇرۋ دەڭگەيى مەن ساپاسى سوعۇرلىم جوعارى بولادى. ەكونوميكالىق درايۆەر قىزمەتىن اتقارا وتىرىپ، شوب ەلدىڭ دامۋىنا ايتارلىقتاي ۇلەس قوسادى. ەىدۇ ەلدەرىندە شوب-تىڭ ەكونوميكاعا قوسقان ۇلەسى 45-65% دەڭگەيىندە. ەلىمىزدە 2019 جىلى ءجىو-دەگى شوب ۇلەسى 31,7%-دى قۇرادى. ونىڭ الدىندا 4 جىل بۇرىن
24,9% بولعان. ەندى 2025 جىلعا قاراي-35% - عا دەيىن، ال 2050 جىلعا قاراي-50% - عا دەيىن جەتكىزۋ جوسپاردا بار. بۇل دامىعان ەلدەردىڭ دەڭگەيىنە سايكەس كەلەدى،- دەيدى رۋسلان دالەنوۆ.
ول بيزنەس جۇمىسپەن قامتىلعاندار سانى جىل سايىن ارتىپ كەلە جاتقانىن، قازىرگى كەزدە 3,5 ملن ادامدى قۇرايتىنىن ايتتى.
نۇر-سۇلتان جانە الماتى قازاقستاندىق شاعىن جانە ورتا بيزنەس قۇرىلىمىندا جەتەكشى ورىن الادى. ولارعا ءجوو جالپى كولەمىنىڭ ۇشتەن ءبىرى، سونداي-اق شوب-تا جۇمىس ىستەيتىندەردىڭ جالپى سانىنىڭ ۇشتەن ءبىرى كەلەدى. قازاقستاندا بيزنەستى ءبولۋدىڭ وڭىرلىك شوب جۇمىسپەن قامتۋدىڭ درايۆەرى بولىپ سانالادى. بىلتىر بۇل سالادا جۇمىسپەن قامتىلعاندار سانى 2015 جىلمەن سالىستىرعاندا 8 پايىزعا وسكەن، - دەيدى مينيستر.
