2050 jylǧa qarai damyǧan elder qataryna qosylamyz

Senattaǧy Ükımet saǧatynda Ūlttyq ekonomika ministrı Ruslan Dälenov 2050 jylǧa qarai şaǧyn jäne orta biznestıŋ JIÖ-degı ülesın 50 paiyzǧa jetkızu közdelıp otyrǧanyn aitty dep habarlaidy «Adyrna» ūlttyq portaly Baq.kz saityna sılteme jasap. ŞOB-tyŋ JIÖ-degı ülesı men halyqtyŋ äl-auqaty arasynda tūraqty bailanys bar. Neǧūrlym joǧary bolsa, halyqtyŋ ömır süru deŋgeiı men sapasy soǧūrlym joǧary bolady. Ekonomikalyq draiver qyzmetın atqara otyryp, ŞOB eldıŋ damuyna aitarlyqtai üles qosady. EYDŪ elderınde ŞOB-tyŋ ekonomikaǧa qosqan ülesı 45-65% deŋgeiınde. Elımızde 2019 jyly JIÖ-degı ŞOB ülesı 31,7%-dy qūrady.  Onyŋ aldynda 4 jyl būryn 24,9% bolǧan. Endı 2025 jylǧa qarai-35% - ǧa deiın, al 2050 jylǧa qarai-50% - ǧa deiın jetkızu josparda bar. Būl damyǧan elderdıŋ deŋgeiıne säikes keledı,- deidı Ruslan Dälenov. Ol biznes jūmyspen qamtylǧandar sany jyl saiyn artyp kele jatqanyn, qazırgı kezde 3,5 mln adamdy qūraitynyn aitty. Nūr-Sūltan jäne Almaty qazaqstandyq şaǧyn jäne orta biznes qūrylymynda jetekşı oryn alady. Olarǧa JÖÖ jalpy kölemınıŋ üşten bırı, sondai-aq ŞOB-ta jūmys ısteitınderdıŋ jalpy sanynyŋ üşten bırı keledı. Qazaqstanda biznestı böludıŋ öŋırlık ŞOB jūmyspen qamtudyŋ draiverı bolyp sanalady. Byltyr būl salada jūmyspen qamtylǧandar sany 2015 jylmen salystyrǧanda 8 paiyzǧa ösken, - deidı ministr.