الماتىدا الاش ارىستارىنا ارنالعان ەسكەرتكىش اشىلدى. «اق جول» پارياسىنىڭ قولداۋمەن قالانىڭ قاق تورىنەن بيىكتىگى 7, ال ديامەترى 4 مەترگە جۋىق مونۋمەنت بوي كوتەردى. سالتاناتتى راسىمگە قوعام بەلسەندىلەرى، تاريحشىلار، جازۋشىلار جانە الاش قايراتكەرلەرىنىڭ ۇرپاقتارى قاتىستى. جيىندا ءسوز العان «اق جول» پارتياسىنىڭ توراعاسى ازات پەرۋاشەۆ الاش مۇراسىن زەرتتەۋ جانە وسىنداي باستامالارعا قولداۋ تانىتۋ ساياسي ۇيىمنىڭ نەگىزگى باعىتى بولىپ قالا بەرەتىنىن ايتتى.
-"مەملەكەتتىگى جوق حالىق جەتىم ءارى جەتەكشىل حالىق». ءاليحان بوكەيحانوۆتار ارمانداعان تاۋەلسىزدىككە ۇرپاقتارىنىڭ قولى جەتىپ، بىرەر كۇننەن كەيىن ونىڭ 30 جىلدىعىن اتاپ وتكەلى وتىر. وسى مەرەكە قارساڭىندا الماتى تورىندە الاش ارىستارىنا ارنالعان ەسكەرتكىش اشىلدى. بۇل قوعام بەلسەندىلەرىنىڭ جانە ۇلت جاناشىرلارىنىڭ، قالا بەردى بۇكىل قازاق حالقىنىڭ كوپتەن بەرگى ارمانى ەدى. اقىرى الاش قايراتكەرلەرى الدىنداعى ءبىر بورىشىمىزدى ورىندادىق - دەيدى جوبانىڭ باسى-قاسىندا جۇرگەن «اق جول» پارتياسىنىڭ وكىلدەرى.
سالتاناتتى اشىلۋ بارىسىندا الاش ارىستارىنا قاتىستى تىڭ مالىمەتتەر ايتىلدى جانە بۇل باعىتتاعى جۇمىستاردى جانداندىرۋ كەرەك.
ويتكەنى، 100 جىلدان اسا ۋاقىت وتسە دە ول ءالى تولىق زەرتتەلىپ بىتكەن جوق.
وسى ماقساتتا «اق جول» پارتياسى ءارتۇرلى باستاما كوتەرىپ كەلەدى.
12-ءشى جەلتوقسان – الاشوردا ۇكىمەتىنىڭ قۇرىلعان كۇنى. ەسكەرتكىشتىڭ اشىلۋ ءراسىمى وسى داتاعا وراي ۇيىمداستىرىلدى. «مونۋمەنتتەگى ءۇش قانات - ءۇش ءجۇزىمىزدى، ال، ونىڭ توبەسىندەگى شاڭىراق ءبىر مەملەكەتكە بىرىككەنىمىزدى بىلدىرەدى» دەدى ونىڭ اۆتورى بەيسەنعازى ءسادۋۇلى.
الداعى ۋاقىتتا الاش زيالىلارىنىڭ ەسىمدەرى مەكتەپتەرگە، ۋنيۆەرسيتەتتەرگە، ءتىپتى، قالالارعا بەرىلسە دەگەن ۇسىنىستار ايتىلدى. سالتاناتتى شارا بارىسىندا ۇلت ازاتتىعى جولىندا قۇربان بولعان اتا-بابالار رۋحىنا قۇران باعىشتالدى.
«اق جول» پارتياسىنىڭ
الماتى قالالىق فيليالى.
ماقالانىڭ اقىسى "اق جول" دەموكراتيالىق
پارتياسى سايلاۋ قورىنىڭ قاراجاتىنان تولەندى.
