ارالاس جەكپە-جەكتەن ماسكەۋدە وتكەن اسا 115 تۋرنيرىندە جارتىلاي اۋىر سالماقتا الاڭعا شىققان وتانداسىمىز، فايتەر ەۆگەني ەگەمبەرديەۆ قارسىلاسى بريتانيالىق ليۋك بارناتتى اۋىر نوكاۋتقا ءتۇسىردى.
جەكپە-جەك ءۇش راۋندقا جوسپارلانعان ەكەن. الايدا بۇل كەزدەسۋ ءبىرىنشى راۋندتا اياقتالدى. وتانداسىمىز قارسىلاسىن نوكاۋتقا ءتۇسىردى. قاتتى سوققىدان ەسەڭگىرەگەن بارناتقا مەديتسينا قىزمەتكەرلەرى وكتاگاندا جاردەم كورسەتتى.
ەگەمبەرديەۆتىڭ سپورتتاعى جالپى كارەراسىندا 12 جەڭىس، ءۇش جەڭىلىس بار.
ال بريتانيالىق بارنات بۇعان دەيىنگى كەزدەسۋلەرىندە 15 رەت جەڭىسكە جەتكەن. تەك، كەيىنگى بەس كەزدەسۋى ءساتسىز بولىپ، وسىمەن ونىنشى رەت جەڭىلىس ءدامىن تاتتى.
ۇلاربەك دالەيۇلى
