قىتايدىڭ «چانە-5» ۇشقىشسىز عارىش اپپاراتى ايدىڭ توپىراعىن جيناپ، جەرگە ءساتتى ورالدى، دەپ حابارلايدى «ادىرنا» «حابار 24»-كە سىلتەمە جاساپ.
كاپسۋلا قىتايدىڭ سولتۇستىگىندەگى ىشكى موڭعوليا اۆتونوميالىق اۋدانىنداعى حوشۋن (اكىمشىلىك بىرلىك) سىتسزىۆان اۋماعىنا قوندى. كاپسۋلا جەرگە شامامەن 2 كگ اي توپىراعىن جەتكىزدى. چانە-5 زوندى باستاپقىدا 2017 جىلدىڭ قاراشا ايىندا ىسكە قوسىلۋى كەرەك ەدى، بىراق 2017 جىلدىڭ شىلدەسىندە چانچجەن-5 زىمىران تاسىعىشىنىڭ اپاتىنا بايلانىستى ميسسيا كەيىنگە قالدىرىلدى.
قىتايدىڭ ايدى زوندتاۋ باعدارلاماسى ءۇش كەزەڭنەن تۇرادى: جەر سپۋتنيگىنىڭ اينالاسىندا ۇشۋ («چانە-1» جانە «چانە-2»), ايعا قونۋ («چانە-3» جانە «چانە-4») جانە ايدان جەرگە ورالۋ («چانە-5» جانە «چانە-6»). ءبىرىنشى جانە ەكىنشى كەزەڭدەر اياقتالدى.
«ادىرنا» ۇلتتىق پورتالى
