بۇگىن قازاقتىڭ ۇلى پەرزەنتى، داڭقتى قولباسشى، اسكەري قايراتكەر، جازۋشى، ار-نامىستى ارقالاعان رۋحتى باتىر باۋىرجان مومىشۇلىنىڭ تۋعانىنا 110 جىل تولىپ وتىر!
باۋىرجان اتامىزدىڭ تۇلا بويىنداعى ناعىز جوعارى پاتريوتتىق رۋح، شەشىم قابىلداۋداعى سەنىمدىلىك، دانالىق پەن پاراساتتىلىق كوپكە ونەگە بولۋى ءتيىس!
تىلگە جۇيرىك، سوزگە شەشەن حاس باتىرىمىزدىڭ ءمىردىڭ وعىنداي نىساناعا ءدال تيگىزەر ونەگەلى سوزدەرى اربىرەۋىمىزدى شابىتتاندىرىپ، رۋح بەرۋى قاجەت!
* نامىستى نانعا ساتپا.
* ءوز ۇلتىن سىيلاماۋ، ونى ماقتانىش ەتپەۋ - ساتقىندىق.
* ەرلىك - ەلدىڭ قاسيەتى، جۇرەكتىلىك - جىگىتتىڭ قاسيەتى.
* ءتىل - ۇلت قاسيەتىن ايقىندايتىن بەلگى، ۇلتتىق سالت-سانا وزەگى.
* ءتىل - ەلدىڭ ەلدىگىنىڭ، ونىڭ عىلىمى مەن مادەنيەتىنىڭ، ونەركاسىبىنىڭ، قوعامدىق قۇرىلىسىنىڭ، سالت-ساناسىنىڭ، جاۋىنگەرلىك ءداستۇرىنىڭ، ۇلتتىق مۇراسىنىڭ قاي دارەجەدە ەكەنىن ءبىلدىرىپ تۇراتىن كورسەتكىش.
* انا تىلىمىزگە ءمان بەرمەۋشىلىك، ونى قۇرمەتتەمەۋ - شىنايى پاتريوتتار تاربيەلەۋ جۇمىسىنا ۇلكەن زيان.
* قازاق ءتىلى ەش ۋاقىتتا وزىمەن كورشى حالىقتاردىڭ تىلدەرىنەن سورلى بولىپ، قاتاردان قالماعانى، ءوز سىباعاسىن ەشكىمگە جىبەرمەگەندىگىنە مىڭ جىلدىق كونە تاريح كۋا.
* انامىزدىڭ اق سۇتىمەن بويىمىزعا دارىعان انا ءتىلىمىزدى ۇمىتۋ - بۇكىل اتا-بابامىزدى، بار تاريحىمىزدى ۇمىتۋ.
* ءورشىل رۋحتان - ولمەس ەرلىك تۋادى.
* جەرگە - تەر توگىپ، حالىققا - قان توگىپ قىزمەت ەتۋدەن تايسالما!
دايىنداعان زارينا اشىربەكوۆا
