ورتالىق كوممۋنيكاتسيالار قىزمەتىندە «قۋاتتى ءوڭىر – قۋاتتى قازاقستان» اكتسياسى اياسىندا الماتىنىڭ استاناداعى كۇندەرىنە ارنالعان ءباسپاسوز ءماسليحاتى ءوتتى. وندا «ءوزىنىڭ عىلىم، ءبىلىم جانە مادەني الەۋەتىن ساقتاي وتىرىپ، الماتى قالاسى ەلىمىزدىڭ قارجى جانە تۋريستىك ورتالىعىنا اينالدى. قازاقستان ەكونوميكاسىنىڭ 16 ەسە وسكەنىن ەسكەرسەك، وسىناۋ جىلدار ىشىندە الماتىنىڭ دا ەرەكشە قارقىنمەن دامىعانىن كورەمىز. الماتى ءوزىنىڭ دامۋ بارىسىندا وراسان زور تابىستارعا جەتتى. ەگەر ەلىمىز تاۋەلسىزدىگىن جاڭا العان 90-جىلداردىڭ باسىندا الماتى رەسپۋبليكا ءىجو-ءنىڭ تەك ون بولىگىن عانا قامتاماسىز ەتسە، بۇگىنگى تاڭدا مەگاپوليس الەۋەتى ەل ەكونوميكاسىنىڭ بەستەن ءبىر بولىگىن قۇرايدى»، – دەپ اتاپ ءوتتى، الماتى قالاسى اكىمىنىڭ ورىنباسارى ارمان قىرىقباەۆ.
ودان ءارى ءوز سوزىندە 90-جىلداردىڭ ورتاسىندا الماتىدا 1415 كووپەراتيۆ بولسا، قازىرگى كەزدە مەگاپوليستە 180 مىڭنان استام كىشى جانە ورتا بيزنەس سۋبەكتىلەرىنىڭ جۇمىس ىستەيتىندىگىن، ءسويتىپ، كاسىپكەرلىكتىڭ 130 ەسەگە وسكەنىن ايتتى. وسىعان وراي، بۇكىلالەمدىك «ءDoىng ءBusىness» بانكىنىڭ تاياۋدا جاريالاعان، نەگىزىنەن، الماتىنىڭ كورسەتكىشى بويىنشا ەسەپتەلەتىن رەيتينگىندە قازاقستان 16 پوزيتسياعا جوعارى كوتەرىلىپ، 35-ورىندى يەلەنگەنى ەرەكشە ەسكەرىلدى.
ءباسپاسوز ءماسليحاتى بارىسىندا ا.قىرىقباەۆ شاھار ەكونوميكاسىنىڭ قارقىندى دامۋى ارقاسىندا الماتى بيۋدجەتىنىڭ تەڭ جارتىسى جۇمسالاتىن الەۋمەتتىك سالادا ءپارمەندى ءارى جۇيەلى شارالاردىڭ جۇزەگە اسقانىن ايتتى. اتاپ ايتقاندا، جىل باسىنان بەرى الماتى قالاسىندا 15 مىڭنان استام جاڭا جۇمىس ورنى قۇرىلعان. بۇل رەتتە، تەك قانا مۇگەدەكتەرگە الەۋمەتتىك قولداۋ كورسەتۋ ءۇشىن 1,8 ملرد. تەڭگە جۇمسالدى. ال بۇل وتكەن جىلمەن سالىستىرعاندا 40 پايىزعا كوپ دەگەن ءسوز.
قالا اكىمىنىڭ ورىنباسارى ءوزىنىڭ سوزىندە، باستى تۇجىرىمى قالانى ودان ءارى دامىتۋ، قالالىقتاردىڭ ءومىر ءسۇرۋ دەڭگەيىن جاقسارتۋ، ءار ادامعا قامقورلىق كورسەتۋ بولىپ تابىلاتىن «الماتىنىڭ 2020 جىلعا دەيىنگى دامۋ باعدارلاماسىندا مۇنىڭ بارلىعى ناقتىلى كورىنىس تاپقانىن ايتتى. سوندىقتان، بۇل باعدارلاما بەس ينستيتۋتسيونالدى رەفورمالاردىڭ، «100 ناقتى قادام» ۇلت جوسپارىنىڭ الەۋەتتەرىن ايقىنداي تۇسەدى. وسى رەتتە «نۇرلى جول» باعدارلاماسى اياسىندا مەگاپوليستە سوڭعى 9 ايدىڭ ىشىندە 4500 ورىندى قامتيتىن 5 مەملەكەتتىك جانە 119 جەكە بالاباقشانىڭ اشىلعانىن، 1800 وقۋشىعا ارنالعان جالپى ءبىلىم بەرەتىن نىسانداردىڭ ىسكە قوسىلعاندىعىن، مەكتەپتەر مەن 2400 ورىنعا ارنالعان قوسالقى نىساندار قۇرىلىستارىنىڭ ءجۇرىپ جاتقانىن اتاپ ءوتتى.
الماتى قالالىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى الماس ماديەۆ ۇستىمىزدەگى جىلدىڭ 10 ايىندا «بيزنەستىڭ جول كارتاسى-2020» باعدارلاماسى بويىنشا وڭتۇستىك استانادا 239 جوبانىڭ قولداۋ تاپقانىن، بۇل وتكەن جىلدىڭ وسى كەزەڭىمەن سالىستىرعاندا 2,5 كوپ ەكەنىن ايتتى.
بۇدان كەيىن وكق-دە وتكەن بريفينگ بارىسىندا الماتى قالاسى دامۋ ورتالىعىنىڭ باسشىسى جاننا تولەگەنوۆا كونتسەپتسياسى قالا تۇرعىندارىنىڭ قالاۋىنا نەگىزدەلگەن «Smart ءCىty» جوباسىن ەنگىزۋدەگى الماتىلىق بيلىكتىڭ جوسپارى تۋرالى ايتتى. بۇگىنگى كۇنى كبتۋ مەن ءىDC Central Europe سىندى سەرىكتەستەرمەن بىرگە Smart Almaty جوباسىنىڭ كونتسەپتسياسى مەن شەبەرلىك- جوسپارىنىڭ جاسالىپ جاتقانىنان حاباردار ەتتى.
الماتى قالاسى اكىمىنىڭ ورىنباسارى ارمان قىرىقباەۆ ءباسپاسوز ءماسليحاتىن قورىتىندىلاي كەلىپ، قالا بيلىگىنىڭ الماتىنى تەك جوعارى تەحنولوگيالى مەگاپوليس قانا ەمەس، ءداستۇرى مەن تاريحى بەرىك ساقتالعان ءارى وزىندىك ەرەكشەلىگى بار شاھارعا اينالدىرۋدى جوسپارلاپ وتىرعانىن ايتتى. بۇگىنگى زاماناعا ساي الەمدە تاريحي-مادەني مۇرا كرەاتيۆتىلىك پەن يننوۆاتسيانىڭ، جاڭارعان قالانىڭ كيەلى كوزىنە اينالعان. وسىعان وراي، بيىل الماتىدا ەلىمىزدەگى العاشقى «الاتاۋ» ءداستۇرلى ونەر تەاترى، ءداستۇرلى مۋزىكانىڭ مۋلتيمەديالىق ورتالىعى اشىلدى. بۇدان باسقا، جىل اياعىنا دەيىن الماتى قالاسىنىڭ تاريحى تۋرالى جاڭا مۇراجاي ەسىگىن ايقارا اشاتىن بولادى.
«ادىرنا».