رەسەيلىك وپپوزيتسيونەر الەكسەي ناۆالنىي شەرەمەتەۆو اۋەجايىندا ۇستالدى، دەپ حابارلايدى «ادىرنا» ءتىلشىسى ريا نوۆوستيگە سىلتەمە جاساپ.
"شەرەمەتەۆو اۋەجايىندا رەسەيدىڭ جوفق باسقارماسىنىڭ ماسكەۋدەگى قىلمىستىق ىزدەستىرۋ ءبولىمىنىڭ قىزمەتكەرلەرى شارتتى جازاعا سوتتالعان الەكسەي ناۆالنىيدى ۇستادى. ول 2020 جىلدىڭ 29 جەلتوقسانىنان باستاپ سىناق مەرزىمىن بىرنەشە رەت بۇزعانى ءۇشىن ىزدەۋدە بولدى", — دەلىنگەن ۆەدومستۆو حابارلاماسىندا.
بۇعان دەيىن جازانى ورىنداۋ فەدەرالدى قىزمەتى وپپوزيتسيونەردىڭ شارتتى مەرزىمدى وتەۋ ەرەجەلەرىن بۇزعانىن جانە جاقىن ارادا ۇستالۋى مۇمكىن ەكەنىن مالىمدەگەن بولاتىن.
ايتا كەتەيىك، وتكەن جىلدىڭ جەلتوقسان ايىندا ساياساتكەرگە قارسى قىلمىستىق ءىس قوزعالدى. تەرگەۋ مالىمەتتەرى بويىنشا، الەكسەي ناۆالنىي كومەكشىلەرىمەن بىرگە ءارتۇرلى كوممەرتسيالىق ەمەس قورلارعا تيەسىلى 356 ميلليون رۋبلدەن استام اقشانى جەكە قاجەتتىلىكتەرىنە جۇمساعان.
13 قاڭتاردا وپپوزيتسيونەر الەۋمەتتىك جەلىلەردە ەلىنە قايتاتىنىن حابارلادى.
«ادىرنا» ۇلتتىق پورتالى
