جەمقورلىققا بەلشەسىنەن باتقان مەملەكەتتىك ورگاندار

1273

ىشكى ىستەر مينيسترلىگى، اۋىل شارۋاشىلىعى مينيسترلىگى جانە مەملەكەتتىك كىرىستەر كوميتەتى سىبايلاس جەمقورلىققا قارسى كۇرەس بويىنشا رەيتينگتە كوش باستاپ تۇر دەپ مالىمدەدى  سىبايلاس جەمقورلىققا قارسى كۇرەس اگەنتتىگىنىڭ القا وتىرىسىندا ۆەدومستۆو توراعاسى اليك شپەكباەۆ. بۇل تۋرالى «ادىرنا» ۇلتتىق پورتالى vlast.kz-كە سىلتەمە جاساي وتىرىپ حابارلايدى.

اۋىل شارۋاشىلىعى مينيسترلىگى سىبايلاس جەمقورلىققا قارسى كەشەندى مونيتورينگتىڭ قورىتىندىسى بويىنشا بۇرىنعىسىنشا انتي-ليدەرلەردىڭ ءبىرى بولىپ قالا بەرەدى. ۆەدومستۆو ءبىزدىڭ ۇسىنىستارىمىزدى، اسىرەسە، اۋىل شارۋاشىلىعى تاۋارىن وندىرۋشىلەردى سۋبسيديالاۋ ءتارتىبىن جەتىلدىرۋگە قاتىستى ۇسىنىستاردى تولىق كولەمدە ورىندامايدى. بۇل سىبايلاس جەمقورلىققا مۇمكىندىك بەرىپ عانا قويماي، سونىمەن قاتار بيزنەستە دە  تەڭسىزدىكتەرگە اكەلىپ سوعادى. جالپى ايتقاندا، بايلار بايىپ، كەدەيلەر كەدەيلەنە بەرەدى، - دەدى شپەكباەۆ.

ىشكى ىستەر مينيسترلىگىنە كەلەتىن بولساق، تۇڭعىش پرەزيدەنتتىڭ "ادالدىق الاڭى" جوباسىن بارلىق وڭىرلەر مەن ورتالىق مەملەكەتتىك ورگاندار دەڭگەيىندە ماسشتابتاۋ تۋرالى تاپسىرماسىنا قاراماستان، ۆەدومستۆو "تۇرمىستىق سىبايلاس جەمقورلىق ماسەلەلەرى ولاردا تولىعىمەن شەشىمىن تاپقانداي، جوبالىق كەڭسەنىڭ اشىلۋىنا توسقاۋىل قويىپ وتىر".

"تولىققاندى الدىن الۋ شارالارى مەملەكەتتىك كىرىستەر كوميتەتىندە دە جوق، مۇنىڭ ايقىن دالەلى ازاماتتار مەن بيزنەستىڭ كەدەن جانە سالىق ورگاندارىندا جۇيەلى تۇردە الىم - سالىق جيناۋعا دەگەن تۇراقتى شاعىمدارى بولىپ تابىلادى", - دەپ اتاپ ءوتتى ول.

"ادىرنا" ۇلتتىق پورتالى

فوتو اشىق دەرەككوزدەن الىندى

 

 

 

پىكىرلەر
رەداكتسيا تاڭداۋى