Jemqorlyqqa belshesinen batqan memlekettik organdar

3813
Adyrna.kz Telegram

Ishki ister mınıstrligi, Aýyl sharýashylyǵy mınıstrligi jáne Memlekettik kirister komıteti sybaılas jemqorlyqqa qarsy kúres boıynsha reıtıngte kósh bastap tur dep málimdedi  sybaılas jemqorlyqqa qarsy kúres agenttiginiń alqa otyrysynda vedomstvo tóraǵasy Alık Shpekbaev. Bul týraly «Adyrna» ulttyq portaly vlast.kz-ke silteme jasaı otyryp habarlaıdy.

Aýyl sharýashylyǵy mınıstrligi sybaılas jemqorlyqqa qarsy keshendi monıtorıngtiń qorytyndysy boıynsha burynǵysynsha antı-lıderlerdiń biri bolyp qala beredi. Vedomstvo bizdiń usynystarymyzdy, ásirese, aýyl sharýashylyǵy taýaryn óndirýshilerdi sýbsıdııalaý tártibin jetildirýge qatysty usynystardy tolyq kólemde oryndamaıdy. Bul sybaılas jemqorlyqqa múmkindik berip ǵana qoımaı, sonymen qatar bızneste de  teńsizdikterge ákelip soǵady. Jalpy aıtqanda, baılar baıyp, kedeıler kedeılene beredi, - dedi Shpekbaev.

Ishki ister mınıstrligine keletin bolsaq, Tuńǵysh Prezıdenttiń "Adaldyq alańy" jobasyn barlyq óńirler men ortalyq memlekettik organdar deńgeıinde masshtabtaý týraly tapsyrmasyna qaramastan, vedomstvo "turmystyq sybaılas jemqorlyq máseleleri olarda tolyǵymen sheshimin tapqandaı, jobalyq keńseniń ashylýyna tosqaýyl qoıyp otyr".

"Tolyqqandy aldyn alý sharalary memlekettik kirister komıtetinde de joq, munyń aıqyn dáleli azamattar men bıznestiń keden jáne salyq organdarynda júıeli túrde alym - salyq jınaýǵa degen turaqty shaǵymdary bolyp tabylady", - dep atap ótti ol.

"Adyrna" ulttyq portaly

Foto ashyq derekkózden alyndy

 

 

 

Pikirler