Sátbaev qalasynyń ákimi para aldy degen kúdikke ilindi, dep habarlaıdy "Adyrna" tilshisi.
Sybaılas jemqorlyqqa qarsy qyzmet bul aqparatty rastady. Byltyr ǵana Sátbaev qalasynyń ákimi bolyp taǵaıyndalǵan Shapaǵat Áýbákirov qazir qamaýda otyr.
“Sybaılas jemqorlyqqa qarsy qyzmet Sátbaev qalasynyń ákimi QR QK 366-b. 2-b. boıynsha sotqa deıingi tergeý sheńberinde ustalǵanyn rastaıdy. QR QPK-niń 201-babyna sáıkes ózge aqparat jarııa etýge jatpaıdy”, – delingen antıkor habarlamasynda.
Shapaǵat Áýbákirov Sátbaevtyń ákimi bolyp 2023 jyldyń qańtarynda taǵaıyndalǵan bolatyn. Sheneýnik ákimdik qyzmetine deıin qala ákiminiń orynbasary qyzmetin atqarǵan.
Áleýmettik jelilerde ákimniń merdigerden 10 mıllıon teńge alyp jatqan jerinde ustalǵanyn aıtylǵan.
Jelide sheneýniktiń 10 mıllıon teńge para alǵany týraly aqparat taraǵan.
