Almaty oblysy Esik qalasynyń ákimi para aldy degen kúdikke ilindi, - dep habarlaıdy "Adyrna" tilshisi Antıkorǵa silteme jasap.
Vedomstvonyń habarlaýynsha, jergilikti atqarýshy organdardyń zańsyz áreketteri týraly azamattardyń aryz-shaǵymdaryna jedel áreket etý nátıjesinde Esik qalasynyń ákimi sybaılas jemqorlyq qylmystyq quqyq buzýshylyqty jasaý kezinde paramen ustaldy.
"Ol jeke kompanııanyń ókilinen qalanyń balalar alańyn abattandyrýǵa memlekettik satyp alý týraly shart boıynsha bıýdjet qarajatyn kedergisiz tóleý úshin qomaqty kólemde para aldy degen kúdikke ilindi. Kúdikti óz kinásin tolyq moıyndady. Sotqa deıingi tergeý jalǵasýda", - delingen baıandamada.
Qylmystyq is júrgizý kodeksiniń 201-babyna sáıkes, tergeý múddesin kózdeıtin ózge de málimetter jarııa etilmeıdi.
