الماتى وبلىسى ەسىك قالاسىنىڭ اكىمى پارا الدى دەگەن كۇدىككە ءىلىندى، - دەپ حابارلايدى "ادىرنا" ءتىلشىسى انتيكورعا سىلتەمە جاساپ.
ۆەدومستۆونىڭ حابارلاۋىنشا، جەرگىلىكتى اتقارۋشى ورگانداردىڭ زاڭسىز ارەكەتتەرى تۋرالى ازاماتتاردىڭ ارىز-شاعىمدارىنا جەدەل ارەكەت ەتۋ ناتيجەسىندە ەسىك قالاسىنىڭ اكىمى سىبايلاس جەمقورلىق قىلمىستىق قۇقىق بۇزۋشىلىقتى جاساۋ كەزىندە پارامەن ۇستالدى.
"ول جەكە كومپانيانىڭ وكىلىنەن قالانىڭ بالالار الاڭىن اباتتاندىرۋعا مەملەكەتتىك ساتىپ الۋ تۋرالى شارت بويىنشا بيۋدجەت قاراجاتىن كەدەرگىسىز تولەۋ ءۇشىن قوماقتى كولەمدە پارا الدى دەگەن كۇدىككە ءىلىندى. كۇدىكتى ءوز كىناسىن تولىق مويىندادى. سوتقا دەيىنگى تەرگەۋ جالعاسۋدا", - دەلىنگەن باياندامادا.
قىلمىستىق ءىس جۇرگىزۋ كودەكسىنىڭ 201-بابىنا سايكەس، تەرگەۋ مۇددەسىن كوزدەيتىن وزگە دە مالىمەتتەر جاريا ەتىلمەيدى.
