الماتى وبلىسىندا بوكس جاتتىقتىرۋشىسى 16 جاستاعى وقۋشىعا قول كوتەردى، دەپ حابارلايدى «ادىرنا» ءتىلشىسى «كتك» تەلەارناسىنا سىلتەمە جاساپ.
26 قاڭتاردا ەڭبەكشىقازاق اۋداندىق پوليتسيا ءبولىمىنىڭ كەزەكشى بولىمىنە مۇرىن سۇيەكتەرىنىڭ سىنۋى دياگنوزىمەن اۋرۋحاناعا تۇسكەن ءجاسوسپىرىم تۋرالى حابارلاما كەلىپ ءتۇستى.
اتالعان فاكتى بويىنشا قر قك-ءنىڭ 107-بابىنىڭ 2-بولىگى "دەنساۋلىققا ورتاشا اۋىرلىقتاعى قاساقانا زيان كەلتىرۋ" بويىنشا سوتقا دەيىنگى تەرگەۋ باستالدى.
"جەدەل-ىزدەستىرۋ ءىس-شارالارىنىڭ ناتيجەسىندە ەڭبەكشىقازاق اۋداندىق پوليتسيا ءبولىمىنىڭ پوليتسيا قىزمەتكەرلەرى قىلمىستىق قۇقىق بۇزۋشىلىقتى جاسادى دەگەن كۇدىكپەن جابىرلەنۋشىنىڭ 34 جاستاعى جاتتىقتىرۋشىسىن ۇستادى.
جاتتىقتىرۋشىنىڭ سوزىنشە، جاتتىعۋ زالىن تازالاۋ كەزىندە ونىڭ جانىنا شاكىرتتەرى مەن ونىڭ دوسى كەلىپ، دورەكى سويلەي باستاعان. سودان كەيىن جاتتىقتىرۋشى شىداي الماي، ونىڭ بەتىنەن ۇرىپ جىبەرگەن. 201 باپقا سايكەس باسقا مالىمەتتەر قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسى بويىنشا، تەرگەۋ مۇددەسى ءۇشىن جاريالانۋعا جاتپايدى", - دەدى ەڭبەكشىقازاق اۋداندىق پوليتسيا باسقارماسىنىڭ باسشىسى تالعات سەيىلحانوۆ.
«ادىرنا» ۇلتتىق پورتالى
