وڭتۇستىك-ساحالينسك قالالىق سوتى ەسىرتكى تاسىمالداۋمەن اينالىسقان قازاقستاندىقتى 8 جىلعا سوتتادى، دەپ حابارلايدى «ادىرنا» ءتىلشىسى.
سوتتىڭ ءباسپاسوز قىزمەتى حابارلاعانداي، بەلگىسىز ادام سوتتالۋشىعا Telegram مەسسەندجەرى ارقىلى جازىپ، ەسىرتكى زاتتارىن قۇپيا جەرلەرگە سالۋ ارقىلى اقشا تابۋدى ۇسىنعان. ميگرانت بىردەن كەلىسكەن.
قىلمىسكەر تىيىم سالىنعان زاتتاردى الدىن الا ولشەپ، ارقايسىسىن 2 گرامنان اسىرماي 35 دانا پوليمەر قاپشىعىنا سالىپ قويعان. شەتەلدىككە ءاربىر جاسىرىن جەر ءۇشىن 200 رۋبل (1118 تەڭگە-رەد.) ۋادە ەتىلگەن.
«ميگرانت ءوز پايداسىن ەسەپتەي وتىرىپ، 2019 جىلدىڭ 10 شىلدەسىندە ارالدا ورنالاسقان قالاعا بارعان. ول پاتەر جالداپ، ەسىرتكى زاتتارىن العان. جۇمىسىن اياقتاعاننان كەيىن تاپسىرىس بەرۋشىگە ورنالاسقان جەرى تۋرالى اقپاراتتى جىبەرگەن. ەسىرتكى تۇيىنشەگىن جاسىرماق بولعان سوتتالۋشىنى پوليتسيا قىزمەتكەرلەرى قولعا ءتۇسىردى»،-دەلىنگەن حابارلامادا.
سوت ميگرانتتى كىنالى دەپ تاۋىپ، وعان 8 جىلعا باس بوستاندىعىنان ايىرۋ جازاسىن تاعايىندادى. ەر ادام جازاسىن قاتاڭ رەجيمدەگى تۇزەۋ كولونياسىندا وتەيدى.
«ادىرنا» ۇلتتىق پورتالى
