Ońtústik-Sahalınsk qalalyq soty esirtki tasymaldaýmen aınalysqan qazaqstandyqty 8 jylǵa sottady, dep habarlaıdy «Adyrna» tilshisi.
Sottyń baspasóz qyzmeti habarlaǵandaı, belgisiz adam sottalýshyǵa Telegram messendjeri arqyly jazyp, esirtki zattaryn qupııa jerlerge salý arqyly aqsha tabýdy usynǵan. Mıgrant birden kelisken.
Qylmysker tyıym salynǵan zattardy aldyn ala ólshep, árqaısysyn 2 gramnan asyrmaı 35 dana polımer qapshyǵyna salyp qoıǵan. Sheteldikke árbir jasyryn jer úshin 200 rýbl (1118 teńge-red.) ýáde etilgen.
«Mıgrant óz paıdasyn esepteı otyryp, 2019 jyldyń 10 shildesinde aralda ornalasqan qalaǵa barǵan. Ol páter jaldap, esirtki zattaryn alǵan. Jumysyn aıaqtaǵannan keıin tapsyrys berýshige ornalasqan jeri týraly aqparatty jibergen. Esirtki túıinshegin jasyrmaq bolǵan sottalýshyny polıııa qyzmetkerleri qolǵa túsirdi»,-delingen habarlamada.
Sot mıgrantty kináli dep taýyp, oǵan 8 jylǵa bas bostandyǵynan aıyrý jazasyn taǵaıyndady. Er adam jazasyn qatań rejımdegi túzeý kolonııasynda óteıdi.
«Adyrna» ulttyq portaly
