بۇگىن ۇكىمەتتىڭ ونلاين وتىرىسىندا تۇرعىن ءۇي ساياساتىنىڭ جاڭا تاسىلدەرى تاقىرىبى بويىنشا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ بايانداما جاسادى دەپ حابارلايدى «ادىرنا» ۇلتتىق پورتالى Baq.kz. اگەنتتىگىنە سىلتەمە جاساپ.
مينيستر اتاپ وتكەندەي، 2020 جىلى رەسپۋبليكا بويىنشا 15,3 ملن شارشى مەتر تۇرعىن ءۇي سالىندى. 140 مىڭنان استام تۇرعىنجاي پايدالانۋعا بەرىلدى.
تۇرعىن ءۇي قۇرىلىسىنا ينۆەستيتسيالار 2019 جىلمەن سالىستىرعاندا 33,6%-عا ءوسىپ، 2 ترلن تەڭگەنى قۇرادى. مەملەكەتتىك قاراجاتتىڭ 1 تەڭگەسىنە 5 تەڭگە جەكە ينۆەستيتسيالار تارتىلدى، - دەپ اتاپ ءوتتى ول.
سونىمەن قاتار 38 400 وتباسىنا مەملەكەتتىك قولداۋ كورسەتىلدى. ونىڭ ىشىندە 28 مىڭ الەۋمەتتىك تۇرعىن ءۇي تۇرىندە جانە 10 400 جەڭىلدەتىلگەن زاەمدەر بەرىلدى.
وسى جىلى قارجىلاندىرۋدىڭ ەسەبىنەن 17 ملن شارشى مەتر تۇرعىن ءۇي سالۋ جوسپارلانىپ وتىر. بۇل 163 مىڭ تۇرعىنجاي. مەملەكەتتىك ينۆەستيتسيالار ەسەبىنەن كەزەكتە تۇرعان 31 300 ادامدى قولداۋمەن قامتىلۋ جوسپارلانىپ وتىر. 22 500 الەۋمەتتىك تۇرعىن-جاي سالىنىپ، ساتىپ الىنادى جانە تۇرعىندارعا 8 800 جەڭىلدەتىلگەن قارىز بەرىلەدى، - دەيدى اتامقۇلوۆ ۇكىمەت وتىرىسىندا.
بۇعان دەيىن وتكەن ۇكىمەتتىڭ وتىرىسىندا مينيستر وسى جىلدىڭ العاشقى ايىندا 801 مىڭ شارشى مەتر باسپانا پايدالانۋعا بەرىلگەنىن ايتقان بولاتىن.
