Üi aluǧa jeŋıldetılgen qaryz berılmek

Bügın Ükımettıŋ onlain otyrysynda tūrǧyn üi saiasatynyŋ jaŋa täsılderı taqyryby boiynşa QR İndustriia jäne infraqūrylymdyq damu ministrı Beibıt Atamqūlov baiandama jasady dep habarlaidy «Adyrna» ūlttyq portaly Baq.kz. agenttıgıne sılteme jasap. Ministr atap ötkendei, 2020 jyly respublika boiynşa 15,3 mln şarşy metr tūrǧyn üi salyndy. 140 myŋnan astam tūrǧynjai paidalanuǧa berıldı. Tūrǧyn üi qūrylysyna investisiialar 2019 jylmen salystyrǧanda 33,6%-ǧa ösıp, 2 trln teŋgenı qūrady. Memlekettık qarajattyŋ 1 teŋgesıne 5 teŋge jeke investisiialar tartyldy, - dep atap öttı ol. Sonymen qatar 38 400 otbasyna memlekettık qoldau körsetıldı. Onyŋ ışınde 28 myŋ äleumettık tūrǧyn üi türınde jäne 10 400 jeŋıldetılgen zaemder berıldı. Osy jyly qarjylandyrudyŋ esebınen 17 mln şarşy metr tūrǧyn üi salu josparlanyp otyr. Būl 163 myŋ tūrǧynjai. Memlekettık investisiialar esebınen kezekte tūrǧan 31 300 adamdy qoldaumen qamtylu josparlanyp otyr. 22 500 äleumettık tūrǧyn-jai salynyp, satyp alynady jäne tūrǧyndarǧa 8 800 jeŋıldetılgen qaryz berıledı, - deidı Atamqūlov Ükımet otyrysynda. Būǧan deiın ötken Ükımettıŋ otyrysynda ministr osy jyldyŋ alǧaşqy aiynda 801 myŋ şarşy metr baspana paidalanuǧa berılgenın aitqan bolatyn.