قىزىلوردادا جەڭگەتايلىقپەن اينالىسقان ازاماتشا ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
قىزىلوردا قالاسىندا جەدەل-پروفيلاكتيكالىق ءىس-شارالار جۇرگىزۋ بارىسىندا پايداكۇنەمدىك ماقساتتا جەڭگەتايلىقپەن اينالىسىپ جۇرگەن ازاماتشا انىقتالدى.
25 اقپان كۇنى وبلىس ورتالىعىنداعى ساۋنالاردىڭ بىرىندە 39 جاستاعى ساۋنا اكىمشىسى پايداكۇنەمدىك ماقساتتا كەلگەن تۇتىنۋشىعا جەڭىل ءجۇرىستى قىز ۇسىنىپ، جەڭگەتايلىقپەن اينالىسقان.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 309-بابىنىڭ 1-بولىگىمەن سوتقا دەيىنگى تەرگەپ-تەكسەرۋ باستالدى.
«ادىرنا» ۇلتتىق پورتالى
