پەتروپاۆلدا اناسى ۇرىپ-سوققان ءۇش جاسار قىز كوز جۇمدى. سوعان بايلانىستى ايەلگە قاتىستى قىلمىستىق ءىستى باسقا باپقا اۋىستىردى، دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
27 اقپاندا بۇعان دەيىن وبلىستىق بالالار اۋرۋحاناسىنا دەنە جاراقاتىمەن تۇسكەن قىز قايتىس بولدى. دارىگەرلەر 17 اقپاننان باستاپ ونى امان الىپ قالۋعا تىرىستى.
بۇعان دەيىن ءىس قىلمىستىق كودەكستىڭ 106-بابى 2-بولىگى ("دەنساۋلىققا قاساقانا اۋىر زيان كەلتىرۋ") نەگىزىندە قارالدى.
"قىزدىڭ قايتىس بولۋىنا بايلانىستى قىلمىستىق قۇقىقبۇزۋشىلىق قۇرامى قىلمىستىق كودەكستىڭ 106-بابىنىڭ 3-بولىگىنە اۋىستى. بۇل باپ بويىنشا 8 جاستان 12 جاسقا دەيىن باس بوستاندىعىنان ايىرۋ جازاسى قاراستىرىلعان", - دەپ ءتۇسىندىردى پوليتسيا.
وسى قىلمىستى جاساعانى ءۇشىن 1998 جىلى تۋعان بالانىڭ اناسى ۇستالدى، وعان قاتىستى بۇلتارتپاۋ شاراسى – كۇزەتپەن ۇستاۋ تاڭدالدى. كۇدىكتى قازىر تەرگەۋ يزولياتورىندا.
قىلمىستىق ءىس اياسىندا تەرگەۋ امالدارى جۇرگىزىلىپ، بىرقاتار قاجەتتى ساراپتاما تاعايىندالدى.
قىلمىستىق ءىستى تەرگەۋ بارىسى سولتۇستىك قازاقستان وبلىسى پوليتسيا دەپارتامەنتى باسشىلىعىنىڭ جانە پروكۋراتۋراسىنىڭ ەرەكشە باقىلاۋىنا الىنعان.
