Petropavlda anasy ūryp-soqqan üş jasar qyz köz jūmdy. Soǧan bailanysty äielge qatysty qylmystyq ıstı basqa bapqa auystyrdy, dep habarlady oblystyq polisiia departamentınıŋ baspasöz qyzmetı.
27 aqpanda būǧan deiın oblystyq balalar auruhanasyna dene jaraqatymen tüsken qyz qaitys boldy. Därıgerler 17 aqpannan bastap ony aman alyp qaluǧa tyrysty.
Būǧan deiın ıs qylmystyq kodekstıŋ 106-baby 2-bölıgı ("densaulyqqa qasaqana auyr ziian keltıru") negızınde qaraldy.
"Qyzdyŋ qaitys boluyna bailanysty qylmystyq qūqyqbūzuşylyq qūramy qylmystyq kodekstıŋ 106-babynyŋ 3-bölıgıne auysty. Būl bap boiynşa 8 jastan 12 jasqa deiın bas bostandyǧynan aiyru jazasy qarastyrylǧan", - dep tüsındırdı polisiia.Osy qylmysty jasaǧany üşın 1998 jyly tuǧan balanyŋ anasy ūstaldy, oǧan qatysty būltartpau şarasy – küzetpen ūstau taŋdaldy. Küdıktı qazır tergeu izoliatorynda. Qylmystyq ıs aiasynda tergeu amaldary jürgızılıp, bırqatar qajettı saraptama taǧaiyndaldy. Qylmystyq ıstı tergeu barysy Soltüstık Qazaqstan oblysy polisiia departamentı basşylyǧynyŋ jäne prokuraturasynyŋ erekşe baqylauyna alynǧan.
