رەسەيلىك ساياساتكەر "Stop inform terror of Russia" قورىنىڭ جەتەكشىسى گەرمان وبۋحوۆ ۇرەيلى اقپارات تاراتتى. ونىڭ ويىنشا الداعى ۋاقىتتا رەسەي اقش پەن ەۋرووداقتىڭ كەزەكتى ەكونوميكالىق سانكتسيالارىنان ىدىراپ، 8 مەملەكەتكە ءبولىنىپ كەتۋى مۇمكىن دەيدى. مۇنى رەسەيلىك ساياساتكەردىڭ ءوزى ايتىپ وتىر.
Obozrevatel TV ارناسىنا بەرگەن سۇقباتىندا رەسەيلىك ساياساتكەر مەملەكەتتىڭ الداعى ۋاقىتتاعى تاعدىرىنا ۇرەيمەن قارايتىنىن ايتىپ، رەسەيدى كوپىردىڭ ۇستىندە تۇر دەپ اتاپ ءوتتى.
"داعىستانعا بار، شەشەنستانعا بار، رەسەيدىڭ باسقا دا بارلىق وڭىرلەرىنە بار، ءبارى دە داعدارىستا تۇر. ەلدىڭ بيۋدجەتى ۇرلانىپ، تونالىپ، الەۋمەتتىك احۋالى ابدەن قالجىراعان. وسى جاعداي ءپۋتيننىڭ دە تاعدىرىن شەشەدى. رەسەيدى كەشەگى كەڭەس وكىمەتىنىڭ تاعدىرى كۇتىپ تۇر",-دەدى ول.
گەرمان وبۋحوۆ رەسەيدىڭ قازىرگى ساياسي جۇيەسىنىڭ جۇمىسى 2025 جىلعا دەيىن عانا جالعاسادى، ودان كەيىن نە بولارىن ايتا المايمىن دەپ وتىر. ساياساتكەر اقش-تىڭ باسشىلىعىنا كەلگەن قازىرگى پرەزيدەنت دجو بايدەندى ترامپپەن ەشقاشان سالىستىرا المايدى. بايدەننىڭ رەسەيگە قارسى ۇستانعان ساياساتى اناعۇرىم قاتاڭ بولاتىنى قازىردىڭ وزىندە كوزگە كورىنىپ تۇرعانىن ايتتى.
اقش كەشە عانا گەرمانيانى "سولتۇستىك اعىن-2" جوباسىنان شىعارۋعا كوندىرىپ، الەمدەگى 120-داي ينجەنەرلىك مەردىگەر كومپانيانى جوباعا قاتىسۋدان شەتتەتتى. ءبىر جاعىنان گەرمانيا باسشىلىعىنا رەسەيگە كەرى كوزقاراستاعى ادام كەلگەنى دە اقش-قا ءتيىمدى بولىپ وتىر. ۋكراينانى دا گاز جەلىسىنەن شەتتەتتى. مەنىڭشە، ورىسقا تۇسكەن سالماقتى ەندى ەۋرازيالىق وداقتىڭ ىشىندەگى قازاقستان مەن بەلورۋس ەكىگە ءبولىپ وڭگەرەتىن جاعدايدا قالماسا بولعان.
بەكبولات قارجان،
"ادىرنا" ۇلتتىق پورتالى
