بەلگىلى ايتىسكەر اينۇر تۇرسىنباەۆا الەۋمەتتىك جەلى پاراقشاسىندا پرەزيدەنت ق.توقاەۆقا ارنايى ۇندەۋ جاريالادى، دەپ حابارلايدى «ادىرنا» ۇلتتىق پورتالى دەرەككوزگە سىلتەمە جاساپ.
ايتىسكەردىڭ جازۋىنشا، فەمينيستەر وتكىزگەن ميتينگىدەن كەيىن ونەر ادامدارىنىڭ الەۋمەتتىك جەلى پاراقشالارىندا جازعاندارى وشىرىلە باستاپتى. الگى ميتينگىگە بايلانىستى قارسى پىكىر بىلدىرگەندەر مەن حيدجابتى ءانشى، ءبيشى كەلىنشەكتەردىڭ جازبالارى وشىرىلە باستاسا، كوپ ۇزاماي پاراقشالارىنىڭ بۇعاتتالماۋىنا كەپىلدىك بار ما؟
«اسا قۇرمەتتى قاسىم-جومارت كەمەلۇلى..!
كەشەدەن بەرى شۋىلداپ جاتقان الەۋمەتتىك جەلىدەگى جاعداي̆دى وقىپ جاتقان بولارسىز... اي̆ەلدەر اس ۇي̆دە وتىرا الماي̆مىز دەپ الاڭعا شىعىپ كەتتى. تۋلارىن جەلبىرەتىپ الاڭعا شىققان فەمينيستەردىڭ اراسىندا اي̆ەل مەن اي̆ەلدىڭ توسەكتەس بولۋىنا رۇقسات سۇراپ جۇرگەندەر دە بار ەكەن... شىندىعىندا ولار رۇقساتسىز-اق قوسىلىپ جاتىر. سوندا الاڭعا اي̆قاي̆لاپ شىعىپ نەگە قۇقىعىمىز قورعالمادى دەپ شىڭعىرىپ ءجۇر؟ ونسىز دا بىلگەندەرىن جاساپ جاتقان جوق پا؟! مەنىڭ اي̆تاي̆ىم دەگەنىم مۇلدە باسقا اڭگىمە...
"مەن شەت ەلگە ءجيى ۇشامىن... ۇشىپ بارا جاتىپ تا، كەلە جاتىپ تا ءتۇرلى كەدەرگىگە ءجيى تاپ بولامىن.. جۇرتتىڭ ءبارى ەمىن-ەركىن وتەتىن شەكارادان مەنى جەكە وتكىزەدى، ارناي̆ى فورماداعى قىزمەتكەرلەر جەكە بولمەگا اپارىپ ءبىراز تەرگەپ بارىپ جىبەرەدى.. قاي̆تا-قاي̆تا قاي̆تالانا بەرگەن سوڭ نەگە بۇلاي̆ بوپ جاتقانىن سۇراستىردىم... سوي̆تسەم بارىنە “كىنالى” باسىمداعى اق جاۋلىعىم ەكەن... مەن ورامال تاققالى قوعامعا قاۋىپ تۋدىرىپ ءجۇر ەكەنمىن... مەن ءبىر كەزدەرى تەلەۆيزيا سالاسىندا جۇمىس جاسادىم. سول كەزدە دە ورامالىم ءۇشىن قاي̆تا-قاي̆تا ءسوز ەستۋگە ءماجبۇر بولىپ، اقىرى كەتىپ تىنعانمىن. ورامال تاققان قىزداردىڭ قازاقستاندا جۇمىسقا كىرە الماي̆، شەت ەلگە كوشىپ كەتىپ جاتقانىن دا بىلەمىن...
قۇرمەتتى پرەزيدەنت!
قازاقستانداعى ورامالدى قىزداردىڭ قۇقىعىن ءسىز قورعاماساڭىز كىم قورعاي̆دى؟! ولاردىڭ ەر ازاماتتى اتتاپ ءوتىپ، اتتانداپ الاڭعا شىعۋعا ۇياتى جىبەرمەي̆دى. قازاق تاريحىندا ەلەۋلى ءىز قالدىرعان دومالاق انا، بوپاي̆ حانشاي̆ىم، الپەش انا، گاۋحار انا، ۇلبيكە، سارا اقىندار اق جاۋلىقتارىنا ادالدىق تانىتىپ الاشتىڭ انالارىنا اي̆نالعان جوق پا؟! شاشتارىن قىزىل-جاسىلعا بوياپ دانالىقتى دارىپتەگەن كىم بار؟! اللانىڭ امىرىنە بوي̆ۇسىنىپ جۇرگەن ارۋلار ەرتەڭ ەلدىڭ تۇتقاسى بولار ادال ۇلداردى دۇنيەگە اكەلمەي̆ مە؟! ادامنىڭ كەۋدەسىنە نە ءدىن كىرەدى، نە جىن كىرەدى! قوعامعا قاي̆سىسى قاۋىپتى؟! ءبىز سىزدەرگە ارقا سۇي̆ەي̆مىز. كەشەدەن بەرى ينستاگرام ءانشى قىزداردىڭ پوستتارىن ءوشىرىپ تاستاپ جاتىر. نەگە؟! سەبەبى قازاق سياقتى تەكتى حالىقتىڭ رۋحىن تاپتاۋعا الەم قىزدارىمىز ارقىلى كىرىسىپ جاتىر! “جاتىر وزىمدىكى” دەپ جار سالعىزۋدىڭ ارتىندا قازاقتى تامىرىمەن قۇرتۋ ساياساتى جاتىر.
وسى ماسەلە وسى كۇي̆ىندە قالماسا ەكەن", - دەپ جازدى اقىن.
