اقتوبە وبلىسىندا جەدەل جاردەم كولىگى مەن جەڭىل اۆتوكولىك سوقتىعىسىپ، 54 جاستاعى ادام قازا تاپتى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
دەپارتامەنت مالىمەتىنشە، مۇعالجار اۋدانى اقكەمىر كەنتىنىڭ جانىندا تەمىر اۋداندىق اۋرۋحاناسىنا تيەسىلى ۋاز كولىگى "Honda CRV" كولىگىمەن سوقتىعىسقان. جەڭىل اۆتوكولىكتىڭ 29 جاستاعى جۇرگىزۋشىسى اقتوبە قالاسىنان قاندىاعاش قالاسى باعىتىنا قاراي كەلە جاتقان.
جول اپاتى سالدارىنان Honda CRV كولىگىنىڭ 54 جاستاعى جولاۋشىسى مەن جەدەل جاردەم كولىگىنىڭ مەدبيكەسى قاندىاعاش قالاسىنىڭ ورتالىق اۋرۋحاناسىنا جەتكىزىلدى. الايدا اۆتوكولىك جولاۋشىسى العان جاراقاتىنىڭ سالدارىنان كوز جۇمدى.
