ورالدىق قاراپايىم ستۋدەنت سەرىك مۇقاشەۆتىڭ يگى ءىسى كوپتى ءتانتى ەتتى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
ول قاتەرلى ىندەتكە شالدىققان ەمير ەسىمدى ءبۇلدىرشىننىڭ ەمىنە 1 ميلليون تەڭگە اۋداردى. باسپانا الامىن دەپ جيناعان اقشاسىن ول وسىلايشا، قايىرىمىلىققا اۋداردى. «باستىسى ءسابي ايىعىپ كەتسە ەكەن» دەپ تىلەيدى.
- بىرەۋلەر «سەن دۇرىس ىستەمەدىڭ، سەن ءالى ءوزىڭدى كوتەرگەن جوقسىڭ»، «مۇنداي اقشا بەرۋ ءۇشىن سەن بيزنەسمەن بولۋ كەرەكسىڭ» دەپ ايتادى. مەن ءالى جاسپىن. مەن ءوزىمنىڭ قويعان ماقساتىما جەتەمىن. پاتەر الامىن دەسەم، مەن الامىن. جۇمىس جاسايمىن، قۇدايعا شۇكىر. ءبارى ءالى الدا. كىم قانشا جالاقى تاباتىنى ماڭىزدى ەمەس. كومەكتەسكىڭ كەلە مە، كومەكتەس»،-دەدى ستۋدەنت جۋرناليستەرگە بەرگەن سۇحباتىندا.
«ادىرنا» ۇلتتىق پورتالى
