رەسەي قازاقستانعا قوسىمشا "سپۋتنيك V" ۆاكتسيناسىنىڭ 4 ميلليون دوزاسىن جەتكىزەدى، دەپ حابارلايدى قازاقستان پرەمەر-ءمينيسترىنىڭ ءباسپاسوز قىزمەتى.
دۇيسەنبى كۇنى قازاقستان ۇكىمەتىنىڭ باسشىسى اسقار مامين ماسكەۋگە جۇمىس ساپارىمەن باردى. ول رەسەي پرەمەرى ميحايل ميشۋستينمەن كەلىسسوز جۇرگىزدى.
كەزدەسۋ بارىسىندا COVID-19-دىڭ تارالۋىنا قارسى كۇرەس جانە ەكى ەلدىڭ ەكونوميكاسى ءۇشىن پاندەميانىڭ سالدارىن جويۋ جونىندەگى بىرلەسكەن شارالارعا ەرەكشە نازار اۋدارىلدى.
"سپۋتنيك V" رەسەيلىك ۆاكتسيناسىنىڭ 4 ميلليون دوزاسىن قازاقستانعا قوسىمشا جەتكىزۋ تۋرالى ۋاعدالاستىققا قول جەتكىزىلدى", - دەلىنگەن حابارلامادا. "ۆيرۋستىڭ تارالۋىن جەڭۋ ءۇشىن ءبىزدىڭ ەلدەرىمىزدىڭ كۇش-جىگەرىن، ونىڭ ىشىندە حالىقتى جاپپاي ۆاكتسينالاۋ ماسەلەلەرىندە ۇيلەستىرۋدىڭ جوعارى دەڭگەيى قاجەت", - دەپ كەلتىردى اسقار ءماميننىڭ ءسوزىن ءباسپاسوز قىزمەتى.ۇكىمەت باسشىلارى، سونىمەن قاتار، ساۋدا-ەكونوميكالىق، قارجى-ينۆەستيتسيالىق، ەنەرگەتيكا جانە عارىش سالالارىنداعى قازاقستان-رەسەي ىنتىماقتاستىعىن ودان ءارى ارتتىرۋ ماسەلەلەرىن تالقىلادى. ەاەو فورماتىنداعى ءوزارا ءىس-قيمىلدىڭ وزەكتى ماسەلەلەرى قارالدى. بۇدان بولەك، وسى جىلدىڭ ەكىنشى جارتىسىندا كوكشەتاۋدا وتەتىن "ەكولوگيا جانە جاسىل ءوسىم سالاسىنداعى ىنتىماقتاستىق" تاقىرىبىنا ارنالعان XVII ايماقارالىق ىنتىماقتاستىق فورۋمىنا دايىندىق ماسەلەسى تالقىلاندى. ايتا كەتسەك، قازاقستانعا 1 اقپان جاپپاي ۆاكتسينالاۋ باستالاردىڭ الدىندا رەسەيدەن "سپۋتنيك V" ۆاكتسيناسى ءبىرىنشى كومپونەنتىنىڭ 22 مىڭ دوزاسى جەتكىزىلدى. بۇگىندە پرەپارات تولىعىمەن پايدالانىلدى.
