بۇگىن جەتىنشى شاقىرىلىمداعى شىمكەنت قالاسى ءماسليحاتىنىڭ كەزەكتى ءۇشىنشى سەسسياسىندا قالا اكىمى مۇرات ايتەنوۆ وسىلاي دەدى. سەسسيانىڭ كۇن تارتىبىندە قارالعان 2021-2023 جىلدارعا ارنالعان قالا بيۋدجەتىنە وزگەرىستەر ەنگىزۋ بويىنشا قالا دەپۋتاتتارىنىڭ ۇسىنىستارىن بايانداعان ا.ەلشيەۆا باسقا وڭىردەن مادەنيەت سالاسىنا ماماندار مەن قۇرال جابدىقتار تارتۋ قالا ەكونوميكاسىنا كەرى اسەرىن تيگىزەتىنىن جانە ول باعىتقا بولىنەتىن قارجىنى ينفراقۇرىلىمعا ءبولۋ قاجەتتىگىن ايتسا، قالا باسشىسى مادەنيەت سالاسىن دامىتۋ نەگىزىندە ەڭ باستى بايلىعىمىز-ادام كاپيتالى ەكەنىن، مادەنيەت سالاسىن دامىتۋدى تۇراقتى قولداپ وتىرۋ كەرەكتىگىن ايتتى.
«شىمكەنت - ەلىمىزدىڭ ءۇشىنشى مەگاپوليسى بولعاندىقتان مادەنيەت سالاسىن رەسپۋبليكا دەڭگەيىنە كوتەرۋىمىز قاجەت. بۇل سالاعا سول دەڭگەيدەگى مامانداردى تارتا وتىرىپ دامىتا الامىز. جەرگىلىكتى مامانداردىڭ بىلىكتىلىگى مەن كاسىبيلىگىنە سەنىمسىزدىك تانىتپايمىن. دەگەنمەن ەلىمىزدىڭ مادەنيەت سالاسىنىڭ دامۋىنا ۇلەس قوسىپ كەلەتىن تاجىريبەلى ازاماتتاردىڭ كومەگىنە جۇگىنۋگە بولادى. مادەنيەت دەگەنىمىز بىردەن كوتەرىلمەيدى، ونى كوتەرۋگە 10-20 جىل ۋاقىت كەرەك. ال، ينفراقۇرىلىم ماسەلەسىن 1-3 جىلدا شەشۋگە بولادى»، -دەدى قالا اكىمى.
سەسسيا وتىرىسىندا قالا بيۋدجەتىنە وزگەرىستەر ەنگىزىلىپ، 2021-2023 جىلعا ارنالعان قالا بيۋدجەتى 448 ملرد. تەڭگە بولىپ ناقتىلاندى. بۇل قارجىنىڭ باسىم كوپشىلىگى شەتكى شاعىن اۋدانداردىڭ ينجەنەرلىك-ينفراقۇرىلىمىن سالۋعا، حالىقتى تۇرعىن ۇيمەن قامتۋعا جانە دەنساۋلىق ساقتاۋ سالاسىنىڭ ماتەريالدىق بازاسىن نىعايتۋعا باعىتتالاتىن بولادى.
شىمكەنت قالاسى اكىمدىگىنىڭ ءباسپاسوز قىزمەتى
