Bügın jetınşı şaqyrylymdaǧy Şymkent qalasy mäslihatynyŋ kezektı üşınşı sessiiasynda qala äkımı Mūrat Äitenov osylai dedı. Sessiianyŋ kün tärtıbınde qaralǧan 2021-2023 jyldarǧa arnalǧan qala biudjetıne özgerıster engızu boiynşa qala deputattarynyŋ ūsynystaryn baiandaǧan A.Elşieva basqa öŋırden mädeniet salasyna mamandar men qūral jabdyqtar tartu qala ekonomikasyna kerı äserın tigızetının jäne ol baǧytqa bölınetın qarjyny infraqūrylymǧa bölu qajettıgın aitsa, qala basşysy mädeniet salasyn damytu negızınde eŋ basty bailyǧymyz-adam kapitaly ekenın, mädeniet salasyn damytudy tūraqty qoldap otyru kerektıgın aitty.
«Şymkent - elımızdıŋ üşınşı megapolisı bolǧandyqtan mädeniet salasyn Respublika deŋgeiıne köteruımız qajet. Būl salaǧa sol deŋgeidegı mamandardy tarta otyryp damyta alamyz. Jergılıktı mamandardyŋ bılıktılıgı men käsıbilıgıne senımsızdık tanytpaimyn. Degenmen elımızdıŋ mädeniet salasynyŋ damuyna üles qosyp keletın täjıribelı azamattardyŋ kömegıne jügınuge bolady. Mädeniet degenımız bırden köterılmeidı, ony köteruge 10-20 jyl uaqyt kerek. Al, infraqūrylym mäselesın 1-3 jylda şeşuge bolady», -dedı qala äkımı.
Sessiia otyrysynda qala biudjetıne özgerıster engızılıp, 2021-2023 jylǧa arnalǧan qala biudjetı 448 mlrd. teŋge bolyp naqtylandy. Būl qarjynyŋ basym köpşılıgı şetkı şaǧyn audandardyŋ injenerlık-infraqūrylymyn saluǧa, halyqty tūrǧyn üimen qamtuǧa jäne densaulyq saqtau salasynyŋ materialdyq bazasyn nyǧaituǧa baǧyttalatyn bolady.
Şymkent qalasy äkımdıgınıŋ baspasöz qyzmetı
