الماتىدا قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىحالىقوۆا مادەنيەت جانە ونەر قايراتكەرلەرىنە ەلباسىنىڭ 2016 جىلعى مەملەكەتتىك ستيپەندياسىن تابىس ەتتى دەپ حابارلايدى 24 كز.
وتاندىق مادەنيەتتى دامىتۋعا قوسقان سۇبەلى ۇلەسى ءۇشىن ادەبيەت كينو، تەاتر، مۋزىكا مەن بەينەلەۋ ونەرىنىڭ 75 قايراتكەرىنە 500 مىڭ تەڭگە كولەمىندە ستيپەنديا تاعايىندالدى. ولاردىڭ قاتارىندا ەرلان ءجۇنىس، ەرلان رىسقالي، ءمادينا باسپاەۆا، ديماش قۇدايبەرگەنوۆ، تاسقىن جارمۇحاممەد سىندى دارىندى جاستار بار. كەزدەسۋدە ونەر مايتالماندارى بيىل الاش قوزعالىسىنىڭ 100 جىلدىعىن مەملەكەتتىك دەڭگەيدە اتاپ ءوتۋ، تاريحي فيلمدەردى كوبىرەك ءتۇسىرۋ جانە ءان مەن كۇي مۇراعاتىن قۇرۋ جونىندەگى ۇسىنىستارىن ايتتى.
الماس تەمىرباي، اقىن:
- بۇل ستيپەنديا ءبىزدى شابىتتاندىرا تۇسەدى دەپ ويلايمىن. الداعى ۋاقىتتا دا قازاق ەلىنە ەڭبەك ەتىپ، ۇلكەن-ۇلكەن شىعارمالار جازامىز دەگەن سەنىمدەمىن.
ەرلان رىسقالي، ءداستۇرلى ءانشى:
- بۇل قازاقتىڭ انىنە دەگەن، ۇلتتىق ونەرىنە دەگەن قۇرمەت دەپ بىلەمىن. سوندىقتان ءبىزدىڭ ونەرىمىز وركەندەي بەرسىن. وسە بەرسىن. «قازاقتىڭ ءانى ولسە، ادەبيەتى جەسىر قالادى» دەگەن سۇلتانماحمۇت توريعىروۆتىڭ ادەمى ءسوزى بار. ءاندى ەلەپ-ەسكەرىپ، مەيلىنشە قادىرلەپ، الاقانىندا ۇستاپ كەلە جاتقان ۇكىمەتتىڭ تىزگىنىن ۇستاپ وتىرعان يگى جاقسىلاردىڭ بارلىعىنا ۇلت ونەرىنىڭ سوڭىندا جۇرگەن ونەرپازداردىڭ اتىنان شەكسىز العىس ايتامىن.
24.kz
