Almatyda Qazaqstan Respublikasynyŋ Memlekettık hatşysy Gülşara Äbdıhalyqova mädeniet jäne öner qairatkerlerıne Elbasynyŋ 2016 jylǧy memlekettık stipendiiasyn tabys ettı dep habarlaidy 24 kz.
Otandyq mädeniettı damytuǧa qosqan sübelı ülesı üşın ädebiet kino, teatr, muzyka men beineleu önerınıŋ 75 qairatkerıne 500 myŋ teŋge kölemınde stipendiia taǧaiyndaldy. Olardyŋ qatarynda Erlan Jünıs, Erlan Rysqali, Mädina Baspaeva, Dimaş Qūdaibergenov, Tasqyn Jarmūhammed syndy daryndy jastar bar. Kezdesude öner maitalmandary biyl Alaş qozǧalysynyŋ 100 jyldyǧyn memlekettık deŋgeide atap ötu, tarihi filmderdı köbırek tüsıru jäne än men küi mūraǧatyn qūru jönındegı ūsynystaryn aitty.
Almas Temırbai, aqyn:
- Būl stipendiia bızdı şabyttandyra tüsedı dep oilaimyn. Aldaǧy uaqytta da qazaq elıne eŋbek etıp, ülken-ülken şyǧarmalar jazamyz degen senımdemın.
Erlan Rysqali, dästürlı änşı:
- Būl qazaqtyŋ änıne degen, ūlttyq önerıne degen qūrmet dep bılemın. Sondyqtan bızdıŋ önerımız örkendei bersın. Öse bersın. «Qazaqtyŋ änı ölse, ädebietı jesır qalady» degen Sūltanmahmūt Toriǧyrovtyŋ ädemı sözı bar. Ändı elep-eskerıp, meilınşe qadırlep, alaqanynda ūstap kele jatqan Ükımettıŋ tızgının ūstap otyrǧan igı jaqsylardyŋ barlyǧyna ūlt önerınıŋ soŋynda jürgen önerpazdardyŋ atynan şeksız alǧys aitamyn.
24.kz
