پرەزيدەنت قاسىم-جومارت توقاەۆ پرەمەر-مينيستر اسقار ءماميندى قابىلدادى، دەپ حابارلايدى "ادىرنا" ۇلتتىق پورتالى. بۇل جايلى قازاقستان رەسپۋبليكاسى پرەزيدەنتىنىڭ رەسمي سايتى مالىمدەدى.
"پرەمەر-مينيستر قازاقستاندا تسيفرلىق پلاتفورما قۇرۋ تۋرالى مەملەكەت باسشىسىنىڭ بەرگەن تاپسىرماسىنىڭ ورىندالۋ بارىسى جايىندا باياندادى.
قاسىم-جومارت توقاەۆ مۇقتاج ازاماتتاردى ساپالى باسپانامەن بارىنشا قامتاماسىز ەتۋ ماقساتىندا ۇكىمەتكە «نۇرلى جەر» مەملەكەتتىك باعدارلاماسىن تولىققاندى ىسكە اسىرۋعا قاتىستى پروبلەمالاردى شەشۋگە ەرەكشە نازار اۋدارۋدى تاپسىردى.
ۇكىمەت جەرگىلىكتى ماڭىزى بار جوعارى ساپالى جولداردى جوندەۋ جانە سالۋ ماسەلەلەرىمەن اينالىسۋى كەرەك.
ازاماتتارعا ۆاكتسينا سالۋدى اقپاراتتىق تۇرعىدان قامتاماسىز ەتۋ جانە بيىلعى بەلگىلەنگەن شەككە (6 ملن ادام) قول جەتكىزۋ ماسەلەسى دە وزەكتى. سونداي-اق مەملەكەت باسشىسى ۇكىمەت پەن وبلىس اكىمدەرىنە ازىق-تۇلىك باعاسىنىڭ ودان ءارى وسۋىنە جول بەرمەۋ ءۇشىن باقىلاۋدى كۇشەيتۋدى تاپسىردى." دەلىندى رەسمي سايتتا.
"ادىرنا" ۇلتتىق پورتالى
