سۇلتانبەك پەن عانيدىڭ بەيمالىم فوتوسۋرەتتەرى تابىلدى

1620

بەلگىلى عالىم، الاشتانۋشى امانتاي ءشارىپ اعامىزدىڭ Adyrna.kz    ۇلتتىق پورتالىندا جاريالانعان «سۇلتانبەك، عاني جانە الاش» اتتى ماقالاسىمەن (23.03.2021) تانىسىپ، وقىپ شىققاننان كەيىن عاني مۇراتبايۇلىنىڭ الاش ارىسى، مەملەكەت جانە قوعام قايراتكەرى سۇلتانبەك قوجانۇلىمەن بىرگە تۇسكەن، بۇرىن جاريالانباعان فوتوسۋرەتتەرىن جۇرتشىلىق نازارىنا ۇسىنعاندى ءجون سانادىم.

1-فوتوسۋرەت.

بۇل فوتوسۋرەت قازىرگى تاڭدا قازالىداعى عاني مۇراتبايۇلىنىڭ مەموريالدىق مۋزەيىنىڭ كپ-183 قورىندا ساقتاۋلى. تاعى ءبىر داناسى قىزىلوردا وبلىستىق تاريحي-ولكەتانۋ مۋزەيىندە بار دەگەندى ەستىدىك. فوتوسۋرەتتى مۋزەي قورىنا 1981 جىلى جۋرناليست سەيىلحان اسقاروۆ تاپسىرىپتى.

فوتوقۇجاتتىڭ اننوتاتسياسىندا «گاني مۋراتباەۆ سرەدي چلەنوۆ تسك كومپارتي تۋركەستانا» دەپ جازۋلى تۇر. سۋرەتتە 14 ادام بەينەلەنگەن. فوتوسۋرەتتە سۇلتانبەك قوجانۇلى ءبىرىنشى قاتاردا، سول جاقتان ساناعاندا ءۇشىنشى وتىر (اق جەيدەلى). ەكىنشى قاتاردا –  سول جاقتان بوپ ءۇشىنشى تۇرعان  عاني مۇراتبايۇلى.

2-فوتوسۋرەت.

ەكىنشى فوتوسۋرەت ماسكەۋ قالاسىنداعى رەسەي مەملەكەتتىك تاريحي مۋزەيىنىڭ گيم 105701/23 قورىنان تابىلدى. فوتوسۋرەتتە تۇركىستان ك(ب)پ ورتالىق كوميتەتىنىڭ 69 مۇشەسى بەينەلەنىپتى. وندا سۇلتانبەك قوجانۇلى ەكىنشى قاتاردا، سول جاعىنان ساناعاندا بەسىنشى (اق جەيدەلى), ال عاني مۇراتبايۇلى ەكىنشى قاتاردا –  سول جاقتان ەسەپتەگەندە توعىزىنشى بولىپ وتىر.

ەكى فوتوسۋرەت ءبىر مەزگىلدە – 1924 جىلى تاشكەنت قالاسىندا تۇسىرىلگەن.قازىر فوتوقۇجاتتاردا بەينەسى تاڭبالانعان وزگە دە تۇلعالاردى انىقتاۋ ۇستىندەمىز.

 

رامازان ابىلدوسۇلى،

ءال-فارابي اتىنداعى قازاق ۇلتتىق ۋنيۆەرسيتەتىنىڭ

تاريح، ارحەولوگيا جانە ەتنولوگيا فاكۋلتەتىنىڭ

4 كۋرس ستۋدەنتى

 

پىكىرلەر
ۇقساس جاڭالىقتار