مەملەكەت باسشىسىنىڭ قازاقستان حالقىنا جىل سايىنعى جولداۋى بويىنشا مالىمدەمەسى

2301
Adyrna.kz Telegram

مەملەكەت باسشىسىنىڭ قازاقستان حالقىنا
جىل سايىنعى جولداۋى بويىنشا

مالىمدەمەسى

قۇرمەتتى قازاقستاندىقتار!

قاسيەتتى وتانىمىز تاۋەلسىزدىكتىڭ ءۇشىنشى مۇشەلىنە اياق باستى.

قازاقستان قىسقا مەرزىم ىشىندە كەمەلدەنىپ، قۋاتى تولىسقان ساقا مەملەكەتكە اينالدى.

شيرەك عاسىردا ءبىز ەلىمىزدى تۇبەگەيلى وزگەرتكەن ەكى جاڭعىرۋدى ىسكە اسىردىق.

الدىمەن، نارىقتىق ەكونوميكا قاعيدالارىنا نەگىزدەلگەن مۇلدەم جاڭا سيپاتتى مەملەكەت قۇردىق.

ەكىنشىدەن، «قازاقستان-2030» ستراتەگياسىن جۇزەگە اسىرىپ، اسقاق استانامىزدى سالدىق.

ال، قازىر كەزەكتى ماڭىزدى بەلەستىڭ الدىندا تۇرمىز.

بۇگىن مەنىڭ حالىققا جولداۋىم بۇقارالىق اقپارات قۇرالدارىندا جاريالاندى.

مەن بيىلعى جولداۋىمدا ەل دامۋىنا تىڭ قارقىن بەرەتىن جاڭا باعداردى ۇسىنباقپىن.

باس تاقىرىپ – قازاقستاننىڭ ءۇشىنشى جاڭعىرۋى.

ول ەلىمىزدىڭ ەكونوميكالىق دامۋىنىڭ يننوۆاتسيالىق وزەگىنە اينالىپ، باسەكەلىك قابىلەتىن ارتتىرا ءتۇسۋى ءتيىس.

ءبىز تسيفرلىق تەحنولوگيالارعا نەگىزدەلگەن بولاشاعى زور باعىتتارعا ايرىقشا ءمان بەرەتىن بولامىز.

ال، ءبىلىم بەرۋ، دەنساۋلىق ساقتاۋ، حالىقتى الەۋمەتتىك قورعاۋ جانە باسپانامەن قامتاماسىز ەتۋ سياقتى ماڭىزدى سالالار قاشاندا باستى نازاردا قالا بەرمەك.

 

قۇرمەتتى قازاقستاندىقتار!

قولدانىستاعى زاڭناماعا سايكەس، پرەزيدەنتتىڭ جولداۋدى اۋىزشا نەمەسە جازباشا تۇردە مازمۇنداپ بەرۋگە قۇقى بار. وسى جىلى مەن ەكىنشى ءتاسىلدى تاڭدادىم.

وسى ستراتەگيالىق قۇجاتتا ەلدىڭ جاڭا كەزەڭدەگى ءارى قارايعى دامۋىنا كوزقاراس مازمۇندالاتىن بولادى.

شيرەك عاسىردا ءبىز ەكى جاڭ­عى­رۋدى جۇزەگە اسىردىق.

ءبىرىنشى – بۇل نارىقتىق ەكونوميكا قاعيداتتارى بويىنشا  مۇلدەم جاڭا مەملەكەت قۇرۋ.

ەكىنشى – 2030 ستراتەگياسىن جۇزەگە اسىرۋ جانە ءبىزدىڭ وتانى­مىز­دىڭ ەلورداسى – استانانى قالىپ­تاستىرۋ.

قازاقستان جەدەل قارقىنمەن دامىدى جانە اسا تابىستى 50 ەلدىڭ قاتارىنا قوسىلدى.

قازىرگى الەمدەگى تەحنولوگيالىق ءداستۇردى تۇبەگەيلى وزگەرتۋ ەكونو­مي­كالىق ءوسىمنىڭ جاڭا مودەلىنە ءوتۋدى تالاپ ەتەدى.

سوندىقتان مەنىڭ حالىققا جولداۋىم قازاقستاننىڭ ءۇشىنشى جاڭعىرۋىنا ارنالاتىن بولادى.

ءبىزدىڭ مىندەتىمىز  – ەلدىڭ جاڭا ءومىر شىندىعى جاعدايلارىنداعى جاھاندىق باسەكەگە قابىلەتتىلىگى.

ءبىزدىڭ ءىس-قيمىلىمىزدىڭ نەگىزى – بەس ينستيتۋتسيونالدىق رەفورمانى جۇزەگە اسىرۋ جونىندەگى ۇلت جوسپارى.

ءۇشىنشى جاڭعىرۋدىڭ شەشۋشى باسىمدىقتارىنىڭ ءبىرى ەكونوميكانى جەدەل تەحنولوگيالىق جاڭارتۋ بولادى.

بۇل تسيفرلىق تەحنولوگيالار بازاسىندا جاڭا پەرسپەكتيۆالى سالالار قۇرۋ دەگەندى بىلدىرەدى.

بيزنەس — ورتانى كەڭەيتۋ مەن جاپپاي كاسىپكەرلىك ءۇشىن جاعدايلاردى جاقسارتۋدىڭ قاعيداتتى ماڭىزى بار.

بۇل ءۇشىن مەملەكەتتىڭ ەكو­نو­ميكاعا قاتىسۋىن ازايتۋ قاجەت.

بيزنەس ءۇشىن بارلىق ىقتيمال شىعىنداردى تومەندەتىپ، مەملەكەت-جەكەمەنشىك سەرىكتەستىگىن دامىتقان ءجون.

ءوسىمنىڭ بولاشاق مودەلىنىڭ بۋىندارى قاتارىندا  اگروونەركاسىپ كەشەنى، كولىك جانە لوگيستيكا بار.

تۇرعىن ءۇي نارىعىن دامىتۋ مەن ونى مەملەكەتتىك قولداۋ شارالارى تۋرالى جەكە ايتىلاتىن بولادى.

ءبىلىم بەرۋ، دەنساۋلىق ساقتاۋ، حالىقتى الەۋمەتتىك قورعاۋ ءبىزدىڭ باسىمدىقتارىمىز بولىپ قالادى.

ماكروەكونوميكالىق ساياسات تا جاڭعىرتۋعا مۇقتاج.

ۇكىمەتكە قازىرگى زامانعى سىن-قاتەرلەرگە جاۋاپ رەتىندە «قا­زاقستاننىڭ ۇلتتىق تەحنو­لو­گيالىق باستاماسى» دەگەن اتپەن ەلدى ءۇشىنشى جاڭعىرۋ بويىنشا دامۋدىڭ 2025 جىلعا دەيىنگى سترا­تە­گيالىق جوسپارىن جاساۋ تاپسىرىلادى. ۇكىمەتتىڭ الدىنا شەشۋ ءۇشىن بارلىق قاجەتتى رەسۋرستار مەن مۇمكىندىكتەر بار سالماقتى ماقساتتار مەن مىندەتتەر قويىلىپ وتىر.

وسىنىڭ بارلىعى ۇزاق مەرزىمدى پەرسپەكتيۆادا ەكونوميكالىق ءوسىمنىڭ ورنىقتىلىعىن قامتاماسىز ەتەدى.

جاقىندا مەملەكەتتى ساياسي جاڭعىرتۋدىڭ جوباسى جاريا ەتىلدى.

وسى ەكى باستاما دا ءبىرىن ءبىرى تو­لىقتىرىپ، ەل دامۋىنىڭ ۇزاق مەرزىمدى ماقساتتارىنا قىزمەت ەتەدى.

ءبىز  2050 ستراتەگياسىنىڭ نەگىز­گى ماقساتى – قازاقستاننىڭ الەمدەگى اسا دامىعان 30 ەلدىڭ قاتارىنا ەنۋىنە تەك وسىلاي عانا قول جەتكىزە الامىز.

قازاقستاننىڭ تەحنولوگيالىق جاڭعىرۋىنىڭ شەشۋشى باعىتتارى، قىسقاشا ايتقاندا، وسىنداي.

قازاقستان حالقى ەلدى بولاشاق  دامىتۋ مەن ءوسىپ-وركەندەتۋگە باعىتتالعان ۇسىنىلىپ وتىرعان شارالاردى قولدايتىنىنا سەنىمدىمىن.

بارشاعا الداعى ۇلكەن جۇمىستا تابىستار تىلەيمىن.


"ەگەمەن قازاقستان"گازەتى

پىكىرلەر