Memleket basşysynyŋ Qazaqstan halqyna jyl saiynǧy Joldauy boiynşa
mälımdemesı
Qūrmettı qazaqstandyqtar! Qasiettı Otanymyz Täuelsızdıktıŋ üşınşı müşelıne aiaq basty. Qazaqstan qysqa merzım ışınde kemeldenıp, quaty tolysqan saqa memleketke ainaldy. Şirek ǧasyrda bız elımızdı tübegeilı özgertken ekı jaŋǧyrudy ıske asyrdyq. Aldymen, naryqtyq ekonomika qaǧidalaryna negızdelgen müldem jaŋa sipatty memleket qūrdyq. Ekınşıden, «Qazaqstan-2030» strategiiasyn jüzege asyryp, asqaq Astanamyzdy saldyq. Al, qazır kezektı maŋyzdy belestıŋ aldynda tūrmyz. Bügın menıŋ halyqqa Joldauym būqaralyq aqparat qūraldarynda jariialandy. Men biylǧy Joldauymda el damuyna tyŋ qarqyn beretın jaŋa baǧdardy ūsynbaqpyn. Bas taqyryp – Qazaqstannyŋ Üşınşı jaŋǧyruy. Ol elımızdıŋ ekonomikalyq damuynyŋ innovasiialyq özegıne ainalyp, bäsekelık qabıletın arttyra tüsuı tiıs. Bız sifrlyq tehnologiialarǧa negızdelgen bolaşaǧy zor baǧyttarǧa airyqşa män beretın bolamyz. Al, bılım beru, densaulyq saqtau, halyqty äleumettık qorǧau jäne baspanamen qamtamasyz etu siiaqty maŋyzdy salalar qaşanda basty nazarda qala bermek. Qūrmettı qazaqstandyqtar! Qoldanystaǧy zaŋnamaǧa säikes, Prezidenttıŋ Joldaudy auyzşa nemese jazbaşa türde mazmūndap beruge qūqy bar. Osy jyly men ekınşı täsıldı taŋdadym. Osy strategiialyq qūjatta eldıŋ jaŋa kezeŋdegı ärı qaraiǧy damuyna közqaras mazmūndalatyn bolady. Şirek ǧasyrda bız ekı jaŋǧyrudy jüzege asyrdyq. Bırınşı – būl naryqtyq ekonomika qaǧidattary boiynşa müldem jaŋa memleket qūru. Ekınşı – 2030 strategiiasyn jüzege asyru jäne bızdıŋ Otanymyzdyŋ elordasy – Astanany qalyptastyru. Qazaqstan jedel qarqynmen damydy jäne asa tabysty 50 eldıŋ qataryna qosyldy. Qazırgı älemdegı tehnologiialyq dästürdı tübegeilı özgertu ekonomikalyq ösımnıŋ jaŋa modelıne ötudı talap etedı. Sondyqtan menıŋ halyqqa Joldauym Qazaqstannyŋ Üşınşı jaŋǧyruyna arnalatyn bolady. Bızdıŋ mındetımız – eldıŋ jaŋa ömır şyndyǧy jaǧdailaryndaǧy jahandyq bäsekege qabılettılıgı. Bızdıŋ ıs-qimylymyzdyŋ negızı – Bes institusionaldyq reformany jüzege asyru jönındegı Ūlt jospary. Üşınşı jaŋǧyrudyŋ şeşuşı basymdyqtarynyŋ bırı ekonomikany jedel tehnologiialyq jaŋartu bolady. Būl sifrlyq tehnologiialar bazasynda jaŋa perspektivaly salalar qūru degendı bıldıredı. Biznes — ortany keŋeitu men jappai käsıpkerlık üşın jaǧdailardy jaqsartudyŋ qaǧidatty maŋyzy bar. Būl üşın memlekettıŋ ekonomikaǧa qatysuyn azaitu qajet. Biznes üşın barlyq yqtimal şyǧyndardy tömendetıp, memleket-jekemenşık serıktestıgın damytqan jön. Ösımnıŋ bolaşaq modelınıŋ buyndary qatarynda agroönerkäsıp keşenı, kölık jäne logistika bar. Tūrǧyn üi naryǧyn damytu men ony memlekettık qoldau şaralary turaly jeke aitylatyn bolady. Bılım beru, densaulyq saqtau, halyqty äleumettık qorǧau bızdıŋ basymdyqtarymyz bolyp qalady. Makroekonomikalyq saiasat ta jaŋǧyrtuǧa mūqtaj. Ükımetke qazırgı zamanǧy syn-qaterlerge jauap retınde «Qazaqstannyŋ ūlttyq tehnologiialyq bastamasy» degen atpen eldı Üşınşı jaŋǧyru boiynşa Damudyŋ 2025 jylǧa deiıngı strategiialyq josparyn jasau tapsyrylady. Ükımettıŋ aldyna şeşu üşın barlyq qajettı resurstar men mümkındıkter bar salmaqty maqsattar men mındetter qoiylyp otyr. Osynyŋ barlyǧy ūzaq merzımdı perspektivada ekonomikalyq ösımnıŋ ornyqtylyǧyn qamtamasyz etedı. Jaqynda memlekettı saiasi jaŋǧyrtudyŋ jobasy jariia etıldı. Osy ekı bastama da bırın bırı tolyqtyryp, el damuynyŋ ūzaq merzımdı maqsattaryna qyzmet etedı. Bız 2050 Strategiiasynyŋ negızgı maqsaty – Qazaqstannyŋ älemdegı asa damyǧan 30 eldıŋ qataryna enuıne tek osylai ǧana qol jetkıze alamyz. Qazaqstannyŋ tehnologiialyq jaŋǧyruynyŋ şeşuşı baǧyttary, qysqaşa aitqanda, osyndai. Qazaqstan halqy eldı bolaşaq damytu men ösıp-örkendetuge baǧyttalǧan ūsynylyp otyrǧan şaralardy qoldaitynyna senımdımın. Barşaǧa aldaǧy ülken jūmysta tabystar tıleimın."Egemen Qazaqstan"gazetı
