بيىل مەكتەپ تۇلەكتەرى ۇلتتىق بىرىڭعاي تەستتى جاڭاشا تاپسىرماق. بۇل تۋرالى بۇگىن قر ءبىلىم جانە عىلىم ۆيتسە-ءمينيسترى ميراس داۋلەنوۆ ايتتى.
«ناۋرىزدىڭ 10-ى مەن ءساۋىردىڭ 10-ى ارالىعىندا ۇبت اقىلى نەگىزدە وتەدى. وعان ۇمىتكەرلەر ءبىر رەت قانا قاتىسا الادى. ال 15 ءساۋىر مەن 30 ماۋسىم ارالىعىندا ۇبت تەگىن بولادى. بۇل رەتتە ۇمىتكەرلەر ۇبت-نى ەكى رەت تاپسىرۋ مۇمكىندىگىنە يە. ولار ءبىلىم گرانتتارىن بولۋگە قاتىسادى. ءساۋىر-ماۋسىم ارالىعىنداعى ۇبت-عا بيىل مەكتەپ بىتىرەتىن 120 مىڭ تۇلەكتىڭ قاتىساتىندىعى جوسپارلانعان»، - دەدى ول مينيسترلىكتىڭ اپپارات جينالىسىندا.
ايتۋىنشا، ەلىمىزدىڭ وڭىرلەرىندە ۇبت وتكىزۋ پۋنكتەرىنىڭ سانى جەتكىلىكتى.
«وتكەن جىلى ءبىز ولارعا ۇبت-نى پاندەمياعا بايلانىستى قاشىقتان وتكىزگەن ەدىك. سوندىقتان ولاردا ۇبت-نى ەلەكتروندى فورماتتا تاپسىرۋ تاجىريبەسى بار جانە بۇل ولار ءۇشىن جاڭالىق ەمەس»، - دەدى ميراس داۋلەنوۆ.
