اتىراۋ وبلىسىنداعى تەڭىز كەنىشىندە مەديتسينالىق قىزمەتكەرلەردى ۆاكتسينالاۋ جالعاسۋدا

تشو-نىڭ COVID-19-عا قارسى ارەكەت ەتۋ توبى مەن كەنىشتەگى بارلىق مەديتسينا قىزمەتكەرلەرىنىڭ دەنساۋلىعىن قورعاۋ ءۇشىن، اتىراۋ وبلىستىق دەنساۋلىق ساقتاۋ باسقارماسى كاسىپورىننىڭ ۆاكتسينالاردى الۋعا قولداۋ كورسەتۋ تۋرالى حاتىنا جاۋاپ رەتىندە تاعى دا  210 Gam-COVID-Vac (Sputnik V) ۆاكتسيناسىن بەردى. قىزمەتكەرلەردىڭ دەنساۋلىعى مەن قاۋىپسىزدىگىن قورعاۋ تشو ءۇشىن باستى مىندەت بولىپ قالا بەرمەك، قازىرگى تاڭدا تشو-نىڭ 90-تەن استام قىزمەتكەرى ۆاكتسينا الدى. سونىمەن قاتار، كومپانيا Gam-COVID-Vac (Sputnik V) ۆاكتسيناسىن كومپانيانىڭ جانە  مەردىگەر ۇيىمداردىڭ بارلىق قىزمەتكەرلەرىنە ساتىپ الۋ مۇمكىندىگىنقاراستىرۋدا. وسى رەتتە، تشو ءوز قىزمەتكەرلەرى اراسىندا جانە جالپى اتىراۋ وبلىسىندا COVID-19-دىڭ ودان ءارى تارالاۋىنا جول بەرمەۋگە باعىتتالعان ەرىكتى ۆاكتسينالاۋ باعدارلاماسى ءۇشىن ۆاكتسينالاردى ساتىپ الۋعا قاتىستى قازاقستان ۇكىمەتى تاراپىنان قولداۋ كۇتەدى. «ۆاكتسينالاۋدىڭ نەگىزگى ماقساتى – تەڭىزدەگى جۇمىسشىلار اراسىندا ۇجىمدىقيممۋنيتەتقالىپتاستىرۋ. بۇكىل الەم كوروناۆيرۋسپەن كۇرەستەگى جالعىز قارۋ ۆاكتسينا ەكەنىن ءتۇسىندى، سوندىقتان ءبارىڭىزدى ەكپە الۋعا شاقىرامىن»، -دەيدى تشو كلينيكاسىنىڭ مەديتسينالىق ديرەكتورى ابدۋللا يۋسۋپبەكوۆ. ۆاكتسينالاۋ - COVID-19-دان قورعانۋدىڭ ماڭىزدى قۇرالى جانە تشو قىزمەتىن قاۋىپسىز جالعاستىرۋدىڭ كەپىلى، جانە دە بۇل وسى ايماق پەن قازاقستان رەسپۋبليكاسىنىڭ (قر) ەكونوميكاسىنا ەلەۋلى ۇلەسىن قوسادى. قازىرگى ۋاقىتتا كومپانيا ءوز قىزمەتىن قر-نىڭ سانيتارلىق-ەپيدەميولوگيالىق تالاپتارىنا ساي جۇزەگە اسىرۋدا جانە دە مەملەكەتتىك ورگانداردىڭ ۇسىنىستارىن قولدانۋدا.   تشو ءۇشىن ايماققا، سونىمەن قاتار بۇكىل قازاقستانعا ءارى قاراي پايدالى بولۋ ءۇشىن ۇزدىكسىز ءوندىرىستى جالعاستىرۋ جانە كەلەشەك كەڭەيۋ جوباسىنىڭ - ۇڭعى ەرنەۋىندەگى قىسىمدى باسقارۋ جوباسىنىڭ (ككج-ۇەقبج) العا باسۋىن قامتاماسىز ەتۋ وتە ماڭىزدى. رۋسلان جالعازين، تشو ءورت جانە اپاتتى تويتارۋ قىزمەتىنىڭ مەديتسينالىق ۇيلەستىرۋشىسى: «مەن ۇنەمى مەديتسينا جاڭالىقتارىن باقىلاپ وتىرامىن جانە جالپى ۆاكتسينالار، سونىڭ ىشىندە Sputnik V ۆاكتسيناسىنىڭ قالاي ازىرلەنەتىنىن كوردىم. كلينيكالىق زەرتتەۋلەر كورسەتكەندەي، Sputnik V ۆاكتسيناسى ەشقانداي جاعىمسىز اسەر ەتپەيدى. ۆاكتسينالاۋسىز ءبىزدىڭ ءومىرىمىز الدەقايدا قيىن بولار ەدى. سوندىقتان مەن اتالعان ۆاكتسينانىڭ ەكى كومپونەنتىن الدىم جانە ءوزىمدى جاقسى سەزىنۋدەمىن».