8 ءساۋىر كۇنى №1 قالالىق كلينيكالىق اۋرۋحانا بازاسىندا «ەندوپروتەزدەۋ جانە وستەوسينتەزدىڭ وزەكتى ماسەلەلەرى» اتتى حالىقارالىق عىلىمي-تاجىريبەلىك سەمينار وتەدى.
شارا اياسىندا گەرمانيا، رەسەيدەن كەلگەن دارىگەرلەر مەن №1 قالالىق كلينيكالىق اۋرۋحاناسى مەن وقما اراسىندا ءتورت جاقتى مەموراندۋمعا قول قويىلادى.
ىنتىماقتاستىق تۋرالى كەلىسىم اياسىندا جەرگىلىكتى دارىگەرلەر شەت ەلدىك ماماندارمەن بىرىگىپ كۇردەلى وتالار جاسايتىن بولادى. سونداي-اق اتالعان مامانداردىڭ قاتىسۋىمەن شەبەرلىك ساباقتارى وتكىزىلەدى دەپ جوسپارلانۋدا.
№1 قالالىق كلينيكالىق اۋرۋحانانىڭ باس دارىگەرى ا.دومباي مۇنداي شەتەلدىك تاجىريبە الماسۋ جەرگىلىكتى دارىگەرلەردىڭ بىلىكتىلىگىن ارتتىرۋعا، سونىمەن بىرگە شىمكەنتتە مەديتسينالىق ءتۋريزمنىڭ دامۋىنا وڭ اسەرىن تيگىزەدى دەيدى.
شىمكەنت قالاسى اكىمدىگىنىڭ ءباسپاسوز قىزمەتى
