اتالعان كەلىسىمگە سايكەس، وبلىس بويىنشا ۇن تارتۋ وپەراتورى بولىپ تانىلعان كومپانياعا بيىل 16 000 توننا بيداي ءونىمى جەڭىلدەتىلگەن باعامەن الىنادى.
اتىراۋ وڭىرىندە نان باعاسىن تۇراقتاندىرۋ ءۇشىن اتىراۋ وبلىسى اكىمىنىڭ ورىنباسارى قايرات نۇرلىباەۆ پەن "كارات" جشس ديرەكتورى ولجاس سيسەكەنوۆ ەكى جاقتى مەموراندۋمعا قول قويدى. سول ارقىلى "داۋلەت نان" ساۋدا جەلىلەرىندەگى 1 سۇرىپتى نان جانە ۇن باعاسى تۇراقتاندىرىلادى.
سونىمەن قاتار، اتىراۋ قالاسىنداعى وزگە دە ناۋبايحانالارعا جەلاەۆ نان ونىمدەرى كومبيناتىنان قولجەتىمدى باعامەن ۇن ساتىپ الۋ جۇمىستارى جۇرگىزىلىپ جاتىر.
قۇجاتقا قر اۋىل شارۋاشىلىعى مينيسترلىگى، «ازىق-تۇلىك كەلىسىم شارت كورپوراتسياسى» ۇك» اكتسيونەرلىك قوعامى جانە اتىراۋ وبلىسى اكىمدىگى اراسىندا جاسالعان كەلىسىم-شارت نەگىزىندە قول قويىلعان. وسى ءۇش جاقتى مەموراندۋم اياسىندا وبلىس بويىنشا ۇن تارتۋ مەكەمەسى "كارات" جشس وپەراتور بولىپ تانىلعان. وسى قۇجاتقا ساي، بيىل 16000 توننا بيداي ءونىمى وسى كاسىپورىنعا جەڭىلدەتىلگەن باعامەن الىنادى.
