الماتىدا قازاقستان مۇسىلماندارى ءدىني باسقارماسىنىڭ توراعاسى ەرجان قاجى مالعاجىۇلى «ونەر قىراندارى» تەاترىنىڭ ۇجىمىن قابىلدادى. باس ءمۇفتي «ونەر قىراندارى» تەاترى قوعامدا يماندىلىق پەن ۇلتىمىزدىڭ اسىل قۇندىلىقتارىن تاعىلىمدى قويىلىمدارمەن ناسيحاتتاپ، اتقارعان يگى جۇمىستارى جايىندا اڭگىمە ءوربىتىپ، العىس حاتپەن ماراپاتتادى.
«تاۋەلسىزدىگىمىزدىڭ شيرەك عاسىرعا تاتيتىن بەلەسىندە، سونىڭ ىشىندە رۋحانيات، مادەنيەت سالاسىندا جەتكەن جەتىستىكتەرىمىزدە «ونەر قىراندارى» تەاترىنىڭ بەلسەندى قىزمەتى مەن تاريحي، ىزگى ءىس-شارالارىنىڭ قولتاڭباسى جاتقانى بەلگىلى. ۇلتىمىزدى يماندىلىققا ۇيىتىپ، حالقىمىزدى يگىلىككە باستاپ، اسىل ءدىنىمىزدىڭ ابىرويىن اسقاقتاتقان رۋحانيات جولىنداعى قاجىرلى قىزمەتتەرىڭىز بەن ەلەۋلى ەڭبەكتەرىڭىز ءۇشىن سىزدەرگە ايرىقشا العىسىمدى بىلدىرەمىن»، – دەدى ەرجان قاجى مالعاجىۇلى.
ايتا كەتەيىك، «ونەر قىراندارى» تەاترى قازاقستان مۇسىلماندارى ءدىني باسقارماسىنىڭ ءىس-شارالارىنا ءوز ونەرلەرىمەن ۇنەمى قولداۋ كورسەتىپ كەلەدى.
«ونەر قىراندارى» تەاترىنىڭ ديرەكتورى ماديار سەرىكباەۆ باس مۇفتيگە العىسىن ايتىپ، تەاتر جۇمىسى جايلى جانە الداعى جوسپارلارى تۋرالى ءسوز قوزعادى.
«ونەر قىراندارى» تەاترى ەلىمىزدىڭ ءار وڭىرىندە وتكەن ءماۋلىت مەرەكەلەرىنە قاتىسىپ، قويىلىمدارىمەن حالىقتىڭ قىزۋ ىقىلاسىنا بولەندى. ءبىز رۋحانياتقا، يماندىلىق تاربيەسىنە قىزمەت ەتۋ ءبىز ءۇشىن ماقتانىش. وسى ساپارلارىمىزدىڭ بارلىعى ءدىني باسقارمانىڭ قولداۋىمەن جۇزەگە اسىپ كەلەدى»، - دەدى م. سەرىكباەۆ
ايتا كەتەيىك، «ونەر قىراندارى» تەاترى قازاقستان مۇسىلماندارى ءدىني باسقارماسىنىڭ ءىس-شارالارىنا ءوز ونەرلەرىمەن ۇنەمى قولداۋ كورسەتىپ كەلەدى.
«ونەر قىراندارى» تەاترىنىڭ ديرەكتورى ماديار سەرىكباەۆ باس مۇفتيگە العىسىن ايتىپ، تەاتر جۇمىسى جايلى جانە الداعى جوسپارلارى تۋرالى ءسوز قوزعادى.
«ونەر قىراندارى» تەاترى ەلىمىزدىڭ ءار وڭىرىندە وتكەن ءماۋلىت مەرەكەلەرىنە قاتىسىپ، قويىلىمدارىمەن حالىقتىڭ قىزۋ ىقىلاسىنا بولەندى. ءبىز رۋحانياتقا، يماندىلىق تاربيەسىنە قىزمەت ەتۋ ءبىز ءۇشىن ماقتانىش. وسى ساپارلارىمىزدىڭ بارلىعى ءدىني باسقارمانىڭ قولداۋىمەن جۇزەگە اسىپ كەلەدى»، - دەدى م. سەرىكباەۆ
"ادىرنا" كز
