ەلباسى "قر كونستيتۋتتسياسىنا وزگەرتۋلەر مەن تولىقتىرۋلار ەنگىزۋ تۋرالى" زاڭعا قول قويدى

مەملەكەت باسشىسى «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. بۇل تۋرالى اقوردانىڭ رەسمي سايتى حابارلايدى. «ءبىز بۇگىن مەملەكەتىمىز ءۇشىن ءمانى زور تاريحي شەشىمنىڭ جۇزەگە اساتىن ساتىنە كۋا بولامىز. مەن كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى زاڭعا جاريا تۇردە قول قويعالى تۇرمىن»، دەدى مەملەكەت باسشىسى كونستيتۋتسيالىق وزگەرىستەرگە قول قويۋ بارىسىندا. بۇل – قازىرگى باسقارۋ جۇيەسىن جاڭعىرتۋعا باستايتىن ماڭىزدى قادام. زاڭ بيلىك تارماقتارى اراسىنداعى قارىم-قاتىناستى كونستيتۋتسيالىق دەڭگەيدە تەڭگەرىمدى ەتۋگە باعىتتالعان. ونىڭ جوباسى ءبىر اي بويى قىزۋ قوعامدىق تالقىلاۋدان وتكەنىن بىلەسىزدەر. سونىڭ ناتيجەسىندە جۇرتشىلىق تاراپىنان 6 مىڭنان استام ۇسىنىس كەلىپ ءتۇستى. ارنايى قۇرىلعان جۇمىس توبى بۇل ۇسىنىستاردىڭ بارلىعىن ساراپتاپ قاراپ، ءبىر تۇجىرىمعا كەلدى. ءبىز كوپشىلىكتىڭ اتا زاڭداعى 26-باپقا وزگەرىس ەنگىزۋ جونىندەگى ۇسىنىسقا قاتىستى پىكىرىنە ەرەكشە ءمان بەردىك. ۇسىنىستاردىڭ ءبارى مۇقيات قارالعان سوڭ مەن تۇپكىلىكتى جوبانى پارلامەنت قاراۋىنا ەنگىزدىم. پارلامەنتتىڭ بىرلەسكەن وتىرىسىندا ەكى رەت قارالىپ، قابىلدانعان بۇل زاڭ بيلىك تارماقتارى اراسىندا وكىلەتتىكتەردى قايتا بولەدى. سول ارقىلى زاڭ شىعارۋشى بيلىك پەن ۇكىمەتتىڭ مەملەكەتتىك باسقارۋ جۇيەسىندەگى جاڭا ءرولى ايقىندالادى. ءبىز وكىلدى ورگاننىڭ قۇزىرىن كەڭەيتىپ، ۇكىمەتتىڭ دەربەستىگى مەن جاۋاپكەرشىلىگىن ارتتىردىق. مەن قوعامدىق تالقىلاۋعا بەلسەنە اتسالىسقان ەل ازاماتتارىنىڭ بارىنە شىنايى ريزاشىلىعىمدى بىلدىرەمىن. سونداي-اق، جۇمىس توبىنا زور العىس ايتامىن. جۇمىس توبىنا مەملەكەتتىك قىزمەتشىلەر، پارلامەنت دەپۋتاتتارى، زاڭگەرلەر، ۋنيۆەرسيتەتتەر باسشىلارى قاتىستى. پارلامەنت دەپۋتاتتارى كوپ ۇسىنىس ەنگىزىپ، ناقتى جۇمىس ىستەدى. بارلىق شارالار ءۇشىن راحمەت ايتامىن. زاڭمەن جۇمىس جۇرگىزىپ، ماڭىزدى مىندەت اتقارعان پارلامەنت دەپۋتاتتارىنا دا كوپ راحمەت. وسىلايشا، وتانىمىزدىڭ باستى قۇجاتى كەمەلدەنە ءتۇستى. كونستيتۋتسيادان كەيىن قولدانىستاعى زاڭدارعا وزگەرىستەر ەنگىزىلەدى. وسىعان وراي ءتيىستى جۇمىستار جۇرگىزىلەدى. ەنگىزىلگەن زاڭدى مەن كونستيتۋتسيانىڭ تالابى بويىنشا كونستيتۋتسيالىق كەڭەسكە جىبەرىپ، بۇل زاڭنىڭ كونستيتۋتسياعا جانە قازاقستاننىڭ زاڭدارىنا ساي ەكەنى جونىندە تاعى دا دالەلدەمە الدىم»، — دەدى ەلباسى. ەندى زاڭعا قول قويىپ، ىسكە اسىرۋعا بولادى.