Elbasy "QR Konstitutsiiasyna özgertuler men tolyqtyrular engızu turaly" Zaŋǧa qol qoidy

Memleket basşysy «Qazaqstan Respublikasynyŋ Konstitusiiasyna özgerıster men tolyqtyrular engızu turaly» Zaŋǧa qol qoidy. Būl turaly Aqordanyŋ resmi saity habarlaidy. «Bız bügın memleketımız üşın mänı zor tarihi şeşımnıŋ jüzege asatyn sätıne kuä bolamyz. Men Konstitusiiaǧa özgerıster men tolyqtyrular engızu turaly zaŋǧa jariia türde qol qoiǧaly tūrmyn», dedı memleket basşysy Konstitusiialyq özgerısterge qol qoiu barysynda. Būl – qazırgı basqaru jüiesın jaŋǧyrtuǧa bastaityn maŋyzdy qadam. Zaŋ bilık tarmaqtary arasyndaǧy qarym-qatynasty konstitusiialyq deŋgeide teŋgerımdı etuge baǧyttalǧan. Onyŋ jobasy bır ai boiy qyzu qoǧamdyq talqylaudan ötkenın bılesızder. Sonyŋ nätijesınde jūrtşylyq tarapynan 6 myŋnan astam ūsynys kelıp tüstı. Arnaiy qūrylǧan jūmys toby būl ūsynystardyŋ barlyǧyn saraptap qarap, bır tūjyrymǧa keldı. Bız köpşılıktıŋ Ata zaŋdaǧy 26-bapqa özgerıs engızu jönındegı ūsynysqa qatysty pıkırıne erekşe män berdık. Ūsynystardyŋ bärı mūqiiat qaralǧan soŋ men tüpkılıktı jobany Parlament qarauyna engızdım. Parlamenttıŋ bırlesken otyrysynda ekı ret qaralyp, qabyldanǧan būl zaŋ bilık tarmaqtary arasynda ökılettıkterdı qaita böledı. Sol arqyly zaŋ şyǧaruşy bilık pen Ükımettıŋ memlekettık basqaru jüiesındegı jaŋa rölı aiqyndalady. Bız ökıldı organnyŋ qūzyryn keŋeitıp, Ükımettıŋ derbestıgı men jauapkerşılıgın arttyrdyq. Men qoǧamdyq talqylauǧa belsene atsalysqan el azamattarynyŋ bärıne şynaiy rizaşylyǧymdy bıldıremın. Sondai-aq, jūmys tobyna zor alǧys aitamyn. Jūmys tobyna memlekettık qyzmetşıler, Parlament deputattary, zaŋgerler, universitetter basşylary qatysty. Parlament deputattary köp ūsynys engızıp, naqty jūmys ıstedı. Barlyq şaralar üşın rahmet aitamyn. Zaŋmen jūmys jürgızıp, maŋyzdy mındet atqarǧan Parlament deputattaryna da köp rahmet. Osylaişa, Otanymyzdyŋ basty qūjaty kemeldene tüstı. Konstitusiiadan keiın qoldanystaǧy zaŋdarǧa özgerıster engızıledı. Osyǧan orai tiıstı jūmystar jürgızıledı. Engızılgen zaŋdy men Konstitusiianyŋ talaby boiynşa Konstitusiialyq keŋeske jıberıp, būl zaŋnyŋ Konstitusiiaǧa jäne Qazaqstannyŋ zaŋdaryna sai ekenı jönınde taǧy da däleldeme aldym», — dedı Elbasy. Endı zaŋǧa qol qoiyp, ıske asyruǧa bolady.