تۇمان، كوكتايعاق، شاڭ داۋىل: اۋا-رايى كۇرت وزگەرمەك

قازگيدرومەت سينوپتيكتەرى قازاقستاندا 22 ءساۋىردىڭ اۋا رايىن بولجادى. ادەتتەگىدەي، قازاقستاننىڭ سولتۇستىك جارتىسىندا انتيتسيكلون ىقپالى ساقتالعاندىقتان، اۋا رايى جاۋىن-شاشىنسىز بولادى. رەسپۋبليكانىڭ وزگە وڭىرلەرىندە تۇراقسىز اۋا رايى قالىپتاسىپ، كەي جەرلەردە جاڭبىر ارالاس قار جاۋادى. سونداي-اق، تۇمان ءتۇسىپ، كوكتايعاق بولادى. جەل كۇشەيىپ، وڭتۇستىك-باتىستا نايزاعاي ويناپ، شاڭدى داۋىل سوعادى. ءتىپتى، بۇرشاق جاۋى مۇمكىن. دابىلدى ەسكەرتۋ اتىراۋ وبلىسىنىڭ كەي جەرلەرىندە نايزاعاي ويناپ، شاڭدى داۋىل سوعادى. وڭتۇستىك-شىعىستان سوققان جەل، كەي جەرلەردە سەكۋندىنا 15-20 مەترگە دەيىن جەتەدى. قىزىلوردا وبلىسىنىڭ سولتۇستىك-شىعىسى مەن شىعىس ايماعىندا جەلدىڭ كۇشى سەكۋندىنا 15-20 مەترگە دەيىن كۇشەيەدى. سونىمەن قاتار، 22 ساۋىردە ۇلكەن جانە كىشى الماتى وزەنى باسسەينىندە (2 500 مەتردەن اساتىن بيىكتىكتە) جاۋىن-شاشىن مەن شىڭ باسىنداعى قار جامىلعىسىنىڭ تۇراقسىز كۇيىنە بايلانىستى قار كوشكىنى ءجۇرۋى مۇمكىن. سونداي-اق، تۇركىستان، جامبىل، الماتى وبلىسى مەن الماتىعا ىرگەلەس اۋماقتاردا قاتتى جاۋىن-شاشىن بولجامىنا بايلانىستى سۋ اعىنى قالىپتاسىپ، وزەندەردە سۋ دەڭگەيىنىڭ كوتەرىلۋى مۇمكىن. ماڭعىستاۋ وبلىسىندا كەي جەرلەردە نايزاعاي ويناپ، شاڭدى داۋىل كوتەرىلەدى جانە بۇرشاق جاۋادى. وڭتۇستىك-شىعىستان سوققان جەل كەي جەرلەردە سەكۋندىنا 17-22 مەترگە جەتەدى. باتىس قازاقستان وبلىسىنىڭ كەي جەرلەرىندە نايزاعاي وينايدى، وڭتۇستىك-شىعىستان سوققان جەلدىڭ كۇشى سەكۋندىنا 15-20 مەترگە جەتەدى. وڭىرلەردەگى اۋا-رايى جامبىل، تۇركىستان وبلىسىندا تۇمان ءتۇسىپ، جەل كۇشەيەدى. سەكۋندىنا 15-20 مەترگە جەتەدى. جامبىل وبلىسىندا تۇندە كوكتايعاق بولادى. شىعىس قازاقستان وبلىسىنىڭ كەي جەرلەرىندە جەلدىڭ كۇشەيۋى كۇتىلەدى. سەكۋندىنا 15-20 مەتر جەل سوعىپ، تۇندە جانە تاڭەرتەڭ كەي جەرلەردە تۇمان تۇسەدى. كۇندىز پاۆلودار وبلىسىنىڭ كەي جەرلەردە جەلدىڭ كۇشەيۋى سەكۋندىنا 15-20 مەترگە جەتەدى. الماتى مەن قوستاناي وبلىسىندا تۇندە جانە تاڭەرتەڭ، ال سولتۇستىك قازاقستان وبلىسىندا كەي جەرلەردە تۇمان تۇسەدى. مەگاپوليستەردەگى اۋا-رايى نۇر-سۇلتاندا تۇندە مينۋس 4-6, كۇندىز 7-9 گرادۋس جىلى، كۇن اشىق بولادى. الماتىدا تۇندە 1-3 گرادۋس اياز، كۇندىز 7-9 تەمپەراتۋرا، جاۋىن-شاشىن تۇسەدى. شىمكەنتتە تۇندە اۋا تەمپەراتۋراسى +1, +3 گرادۋسقا دەيىن تومەندەيدى، كۇندىز +17, +19 جىلۋ بولادى. كوشپەلى بۇلت شىعادى دەپ بولجاندى.